- Jele jele, bago kiere.
- (Aginmamadi, ngem mayat kadi)
Ni Fr. Sibyla kas la itay makaay-ayat unay, magmagna a
sitatalna ket kadagiti naem-em ken naingpis a bibbibigna saan
a makitan ti panglaisna; makisao paycn ken pilay a Doktor De
Espadania, iso a no sumungbat, saggamaysa, ta adda bassit tattatelna. Daydi pransiskano makapungpungtot iti kasta unay, kugtaranna dagiti tugtugaw a madalapusna ket sinikilna pay ti maysa
a kadete. Daydi teniente, naranga; dagiti dadduma nabiag unay
ti panagsasao da ket idaydayawda ti kinasayaat ti panganan.
Ni dunia Victorina, nupay kasta, pinagdusngina a silalais ti agongna, ngem dinagusna ti timmaliaw a sipupungtot a kas la napayat
a uleg: ngamin ta ti teniente nabaddekna ti ipos ti bestido na.
—Awan aya ti matayo? — kinunana.
--Adda Seniora, ket dua da nasaysayaat ngem dagita matmatayo; ngem kitkitaek man itay dagita pakpakulot. —insungbat daydi dina ammo ti mamatpatiray-ok a teniente, ket immadayo.
Gapo ngata ta ruam dan, dagidi dua a praile nagturungda iti uluanan (kabesera) ti lamisaan, ket, kas tagtagyurayen, naaramid ti kas maaramid kadagiti agsasalisal iti maysa a pagtakeman iti maysa a pangisuruan: iti sao, idaydayawda dagiti kaikarkarian ken kinangatngato dagiti kaskasalisal da, ngem sa da met la ipaawat ti sunganina, ket ngumernger ket agdayamudumda, no dida magun-od.
—Dakayo, Fr. Damaso!
—Dakayo, Fr. Sibyla!
Kadaanankayo nga am-ammo da iti daytoy a balay... kon pesorna kav pay daydi natay... tawen, tan-ok ken turay. . .
