kaawisan— napunno iti balinawnaw; kas la itay dagiti bingbing.
gas dagiti kamkameng ken laslasagna naikkanda iti sal-it a
mangam-ames nga agbettak iti nakaam-amak a dawel. Amin
nga adda iti lawlawna agkubbo kas panagkubbo dagiti dawdawa ti pagay apaman a pumuyot ti bagyo; awan nasarakanna a
manglapped kenkuana, awan masarakanna a maysa a murdong
wenno maysa a pantok a pangibettakanna iti pungtotna: dagiti
sosoldado ken dagiti ububbingna aguyasda amin iti dennana.
Tapno dina mangngeg dagiti ragragsak iti ruar, pinaripkanna dagiti tawtawa; imbilinna iti sentinela nga awan ti palabasenna. Binedbedanna iti panio ti ulona a kasna paniped iti inna panagbettak, ket numan pay adda pay la init, pinaseggedannan dagiti silsilaw.
Ni Sisa, kas nakitatayo, natiliw gapo iti panangriribokna iti urnos, ket naipan iti kuartel. Idi naipan, awan ti alperes, ket daydi awanan gasat nagpatpatnag a nagtutugaw iti maysa a bangko, a kas la awan kitkitaen dagiti matmatana. Iti sumuno nga aldaw nakita ti alperes, ket gapo ta inbutengna kadagidi nga al-aldaw ti ragsak ket gapo ta dina kinayat nga adda maaramid a saan a nasayaat a mabuya dagiti tattao, imbilinna kadagiti sosoldado a bantayanda, kakaasianda ket inda pakanen. Kasta ti panagpalabas daydi agmauyong iti dua nga aldaw.
Iti daydi a rabii, di ammo no gapo iti ka-asideg ti balay ni Kapitan Tiago dimmanon kenkuana daydi naliday a daniw ni María Clara, wenno sabali ket di nga aweng ti nangri-ing kadagidi daan a daydayyengna, di ammo no ania ti gapona, ni Sisa inrugina met a indaniw, iti daydi timekna a nasam-it ken naliday, dagidi kunkundimanna idi balasang pay. Dagiti sosoldado inda dinengngeg ket inda nagulimek: jay! dagidi a dandaniw ri-ingenda man kadakuada dagidi daan a laglagip, dagidi laglagip da idi saan da pay naigamer iti dakes.
Ni dunia Consolación inna met nangngeg iti let-ang ti inna pannakarurrurod, daydi agdandaniw.
—¡Umuli a dagus! —imbilinna, kalpasan ti mano a kanito nga
inna panagpanunot. Maysa a kas la isem ti immappayaw kadagiti nagango a bibbibigna.
