—?Pudpudno a timmalawka, wenno addaka dita, kabron?—
salsaludsuden ti timek a sagpaminsan, a sukatsukatanna ti inna
ipanpanagan, ngem inna ingatngato.
Kamaudiananna, inin-inutna met la nga inikkat dagiti alalikamen a binuntunna: ti lalaki mangngegna ti ringgor ket umisisem.
—!Asistente!' ?timmalaw ni senior?—inpukkaw ni dunia Consolacion.
Ti asistente, ta pinatulduan ti alperes, insungbatna:
—Wen, siniura, pimmanaw.
Nangngeg a nagkatawa a siraragsak ket pinuligusna ti tulbek ti ruangan.
Nagin-inayad unay a timmakder ti lalaki; nagbingngi ti ruangan...
Maysa nga ikkis, dappuor ti maysa a bagi a matuang, sapsapata, ung-ungor, lunlunod, dandanog, timek nga agpaparaw. . . PAsinno ti makaibaga iti naaramid iti let-ang ti sipnget ti siled?
Ti asistente, idi rimuar a napan iti kusina, kinigmatanna iti nabagas unay ti kusinero.
—?Siak? Iti ili a! Sinaludsudna kaniak no pimmanaw. saanna a sinaludsod no nagsubli.
