Ni Ibarra napamayeng a kimmita kenkuana, a dina ket
ammo ti inna isungbat; dagiti dadduma, nasdaawanda, pagsinsinnublatenda ida a kitaen, ket yam-amakda nga adda rumsua
a riri. — “Nganngani malpas ti pannangancn ket ni Reberensia
nabsugen”, nganngani kinuna daydi bumaro, ngem nagteppel ket
isuna la a nasauna toy sumaganad:
—Appo dikay pakasdaawan ti nakalalailo a pannakisasao kaniak ti daan a kura mi; kasta ti pannakisasaona kaniak idi ubingak pay, ta kenkuana kas la di aglabas dagiti al-aldaw, ngem agyamanak unay, ta maipalagip kaniak dagidi un-unana nga al-aldaw, a ya-ayna a masansan iti balay mi ken panangpad padayawna pay met a nakilanglanglang a nangan iti daydi a dakkel ko.
Ti dominiko inlibasna a kinita ti pransiskano, iso a namigerger. Ni Ibarra intuluyna ti nagsao, a timmakder:
—Ipalubusyo kuma ti innak ipapanaw, gapo ta sangsangpetko ken gapo pay ta innak no bigat sadi San Diego, ado unay ti innak ringpasen nga aramid. Ti kangrunaan ti pannangan nalpasen, ket siak diak managinum iti arak ket apaman la no simsimak dagiti liklikor . . .Appo, gapo amin iti Espania ken iti Pilipinas!
Ket intangadna ti maysa a tagayan (kopita) nga idi pay laeng a inna sinagid. Daydi lakay a teniente tinuladna. nga awan tagari na.
—Dikay pumampanaw! —inyarasa-as ni Kapitan Tiago kenkuana. — Sumangpeten ni Maria Clara; napan innala ni Isabel. Umayto ti baro a kura sadi iliyo, iso a nasingpet unay.
—Umayakto no bigat, sakbay ti ipapanaw ko! Ita adda nasken unay a innak sarungkaran. Ket pimmanaw. Idi ta kasta, daydi pransiskano inpapasna ti nagsaosao.
—Nakitayo? — kunkunana iti daydi bumaro a nalabaga, (ulnndis) nga inna iwaswasawas ti kutsilio a maaramaat iti panagsinam-it. — Dayta, gapo iti tangsit! Dida maibturan nga adda sao ti kura kadakuada! Ipagarupda no tattao da a nanakmanen! Dayta, iso ti dakes a bunga ti panangipalubos kadagiti agtutubo a mapan sadi Europa! Ti turay rebbengna nga iparit.
—Ket, tay teniente? —kinuna met ni dunia Victorina nga ay-ayunanna daydi pransiskano; kanayon la itay a nakarupanget: naimbag ta pinanawannatayo. Lakayen, ket teniente pay laeng!
