Ni asawana ammuna a dagiti dadduma a sasawenna minamaagda, ngcm agulimek tapno dina uriagan ken iparupa kenkuana ti kinatatclna. Naginni-inaw tapno manayunan ti arapaapna nga agsikog, ket nagar-aruat iti ado a kita, pinakapct kadagiti ado a sabsabong ken sinsintas ket sibabata pay a mapan iti Escolta, ngem !o, eppes a inanama! napalabas ti tallo a bulan, ket ti darepdcpna nagpukaw, ket agsipod ta awan met pakaigapuan nan tapno ti anakna saan nga agbalin a reboltisionario, binayanna a pinanunot ti inna panaglayag. Nakiuman kadagiti mangngagas, mangngilot, babbaket, kdmpy., ngem banbannog; iso, ta inna pagang-angawan ni San Pascual Bailon, iso a kaluksaw unay ni Kapitan Tiago, dina kayat ti kumamang iti uray siasinno a santo wenno sanra; iso a nagkunaan kenkuana ti maysa a gayyem ni asawana:
—!Patiennak, seniora, dakdakay laeng ti espiritu a napigsa ditoy nakassusuron a ili!
Immisem, a dina ket naawatan no ania ti espiritu a napigsa, ket iti rabii, idi agiddadan, inna sinaludsod ken asawana;
—Ija,—insungbat toy,—ti e... espiritu nga ammok a kapigsaan, iso ti amoniako: tay gayyem ko ri...rineretorika ngata ti panagsaona.
Nanipod idin, no la ket mabalinanna, kanayon a kunana.
—Si-siak laeng ti amoniako ditoy nakasusuron unay a ili, no rineretorika ti panagsao, kasta ti kuna ni apo N. de N., kastila a nangato unay ti kategoriana.
Amin a ibagana, maaramid; naminpinsan a napctpetanna ni asawana, iso a di met unay nagrigat a imamannugot, ket nagangayanna ti nagbalin a kas la maysa nga uken a di maisina ken kuana. No adda guraenna, dina palubusan a mapan agpalla-ilang, ket no daytay pudno a makapungtot, ikkatenna dagiti ngipngipenna, ket baybay-anna a nakalalaad iti bayat ti maysa nga aldaw wenno nasurok.
Simmiplot iti ulo-na a ni asawana, doktor kuma iti Medisina ken Sirujia, ket inna inbaga kenkuana.
— !Ija! ?kayatmo a baludendak?—sinaludsudna a sikikigtot.
—!Dika man agang-ang-ang, ket baybay-annak a mangaramid!—insungbatna;—saan kanto a mapan mangag-agas, ngem kayatko a naganendaka iti doctor, ket siak, doktor, !ala!
