Ni Padre Salvi kinusilapanna.
—Atapek, Padre,—intuloy ni Kapitan Tiago,—nga amin toy a sakitna nagtaod iti luksawna gapo iti daydi naaramid idi aldaw ti piesta.
—Kasta met ti kunak, ket naimbag ti inaramidyo a saan yo a panangipalubos a makisao kenkuana ni apo Ibarra; limmalo kuma.
—Ket no saan kuma a gapo kadakami, —insamang ni dunia Victorina,—ni Clarita adda kuma itan sadi langit nga agdandaniw a mangdaydayaw iti Dios.
—¡Amen Jesus!—inpagarop ni Kapitan Tiago a rebbengna nga inayon.
Gasatyo, ta ni asawak awan a nairana, ta nangayabkay kuma iti sabali, ket ditoy, bin-igda amin nga ang-ang; iti asawak . . .
—Patiek ket ipapatik ti nasaok—kinuna met ti kura;—a ti panagkonpesar ni Maria Clara iso ti nakaigapo iti nakapalag-an a pannakagunadna, nga iso ti nangispal iti biagna. !Ti maysa a puso a nalinis adadda ti pategna ngem dagiti ado nga ag-agas, ket jkitaenyo ta diak libaken ti pannakabalin ti sirib, nangruna ti Sirujia! ngem ti maysa a puso a nadalos . . . jBasaenyo dagiti pagpagbasaan a makapasingpet ket makitayunto no mano dagiti naag-agasan gapo iti maysa a naimbag a panagkonpesar!
—Pamakawananyo,—insubang ni dunia Victorina a nasukit; —dayta pannakabalin ti konpesar... !ala man, agasanyo man ti asawa ti alperes iti konpesar!
—Maysa a sugat, seniora, saan a maysa a sakit a mabalin nga agasan ti nalinis a puso!—insungbat a sidedeggang ni Padre Salvi; —nupay kasta, ti maysa a nasayaat a panagkonpesar mailiklikna iti kasakbayan kadagiti dakes a kalaklak-aman a kas ti naaramid itay bigat.
—¡Kaikarianna!—intuloy in dunia Victorina a kas la itay dina nangngeg ti sinao ni Padre Salvi.—jDayta a babai natangsit unay! Idiay simbaan, awan aramidna no di la mangkitkita kaniak, jmakitam! maysa la ngamin a kasta-kasta; idi Domingo, saludsudek kuma kenkuanan no adda sunggo iti rupana, dngem siasinno ti mayat a marugitan a makisasao kadagiti tattao a saan
a de kategoria?
