— ¡Ngem paringgor dagiti tattao nga addaan puso!
—¡Ala wen! —insungbat daydi lakay, a nagtugaw; —pagarupem a mayat a iso ti mangidanon kadagiti as-asog tayo iti Kapitan Jcneral? pagarupem a makasarak sadi Madrid iti diputado a mangisakit kadatayo? dpatiem a indanto ited ti linteg kadatayo?
Padasentay kuma, kasangwanan ti intay panangaramat iti maysa a pamuspusan a pakaibellengan ti dara, —insungbat ni Elias.—Masdaawkay ngata ta siak, maysa met a daksanggasat, ubing ken nabaneg, igayatko ket kadakayo, a lakay ket nakapoy, dagiti pampamuspusan a natalna; ngem gapo ngamin ta aduda dagiti nakitak a kinaay-ay-ay, a gapuanan tayo ken gapuanan dagiti nadamsak: ti awanan igam iso ti agbayad.
—¿Ket, no awan magun-udtayo?
—Addanto la magun-od, patiendak; saan nga amin dagiti agturturay, nakillo da. Ket no awan la ti intay maal-ala, no dida denggen dagiti timtimek tayo, no ti tao nagbalinen a sul-ot ka dagiti sensennaayen dagiti padana a tattao, ison, jaddaakto iti ba baen ti panagbilin yo!
Daydi lakay, a sipupunno iti rag-o, inarakupna daydi bumaro.
—Annugutek ti kunam, Elias; ammok a tungpalcn ti saom. Umaykanto kaniak ket siak tulungankanto a mangiba les kadagiti annakko, jdagidi annakko a kas met kenka!
—Ngem inggana iti di dumanon dayta, dawatek, apo, a liklikanyunto kuma ti pannakaaramat ti pigsa.
—Idatagmunto dagiti as-asog ti Hi sika ammom idan. dKaanunto ti pannakaammok iti sungbatna?
—Iti uneg dagiti uppat nga al-aldaw a sumaruno, mangibaunkay iti maysa a tao idiay sabangan ti San Diego, ket ibagakto kenkuana ti sao ti tao a pagurayak . . . No umannugot, iteddanto ti linteg kadatayo, ket no saan, siakto ti umuna a matuang iti intay pannakibakal.
—Ni Elias saanto a matay, ni Elias isunto ti pangolo, inton ni Kapitan Pablo matay a sipepennek iti inna ibabales! —kinuna daydi lakay.
Ket kinuyugna daydi bumaro inggana iti ruar.
