Idi ta maaf-aramid dagitoy, simmangpct ni Kapitan Tiago a naggapo iti pallutan, sililiday ket agas-asog: naabak ti lasakna.
Saan a pinaangcscn ni dunia Victoria; iti bassit a sao ken ado a pammagsasan, inna sinarita amin ti naaramid, ngem rcbbengna nga awaten, a inkagumaanna a rimsua a nasayaat ti biangna.
Ni Linares inna kariten a kakabil, ¿mangngcgyo? No saan, dikay baybay-an nga asawaenna ti anakyo saan yo nga ipalpalubos! No awan turedna, saan a maikari ken Clarita.
—¿Makiasawaka kadi aya iti dayta a baro? —sinaludsod ni Sinang ket nalapunos dagidi naragsak a matmatana iti lua; — ammok a naannadka, ngem diak inpapan a kas kala kulibangbang a masnkatsukat ti inna batayan.
Ni Maria Clara, a sibebessag a kas la allid, inbangunna bassit ti bagina ket kinitana, a sikikigtot dagiti matmatana, ni amana, ni dunia Victorina ken ni Linares. Toy nabainan, ni Kapitan Tiago, inbabana dagiti matmatana ket ti siniura innayunna:
—Clarita, tantandaanam; uray inton kaano, saanka a makiasawa iti maysa a lalaki a di nagkalson; maisarsarakka nga inda pagsasawan uray pay dagiti as-aso.
Ngem ti balasang saan a simmungbat, ket kinunana kadagiti gagayyemna.
—Itulnugdak iti siled ko, ta diak makawayas a magna.
Tinulunganda a timmakder; ket ti balasang simbrek iti siledna, a ti siketna inapungol dagiti nabukel a taktakiag dagiti ga gayyemna, ket ti kasla marmol a ulona inna insadag iti abaga ni nalibnos a Victoria.
Iti daydi met la a rabii, inarikumkom dagidi agasawa dagiti gargaretada, siningirda ni Kapitan Tiago no mano ribo a pisos, ket iti sumaruno nga aldaw, nasapa unay, nagawidda sadi Manila a nagsakay iti lugan ni Kapitan Tiago. Ni managbabain a Linares inda iabati a mangibales iti naaramid kadakuada.
