al-aldaw, kalpasan ti panagdakkel ti danom, adda nasarakanda iti
igid ti danaw sadi Kalamba, iti pinagayan, a bangkay ti maysa
a balasang, a naimes wcnno inda pinapatay; kunada nga adda
kan naipalay a imuko iti barukongna. Dagiti agturturay sadiay
pinaiwaragawagda kano ti kasdi kadagiti kaparangct a il-ili;
awan nagparang a nangtunton iti bangkay, awan nagpukaw a
balasang.
Kadagiti tantanda nga inbagada kaniak iti kalpasanna, iti aruatna, kadagiti balbalitokna, iti kinalibnos ti rupana ken iti attiddag a buokna, innak nabigbig a iso daydi nakakaasi a kabsatko. Nanipod idin, agalla-allaak iti intunggal pangukuman; ti damag ken iti pakasaritaan ti biagko addada iti
ngiwat ti ado a tattao, ado dagiti ipapaaramidda kaniak, no dadduma, indak padpadaksen, ngem diak unay italtalek dagiti tat
tao ket ituluyko ti dalan ko. Addayta ti ababa a pakasaritaan ti
biagko, ken pakasaritaan met ti maysa kadagiti kedkeddeng
dagiti tattao ”
Nagulimek ni Elias ket tinuluyna ti naggaod.
—Mangrugi a mamatiakon a saan a di pudno ti saoyo, — indayamudom ni Crisostomo iti nainayad, —no kunayo a ti Turay rebbengna kuma nga ikalikagom ti imbag, a kasupapak ti singpet, ken ti pannakasursuro dagiti agdakdakes a tattao. Isuna la a . . . saan a mabalin a maaramid ti kasta, maysa a tagainep ta, ¿adinno ti pangalaan iti ado a pirak, iti ado a baro nga agtaktakem?
—¿Ket ania, ngad, ti kaadda dagiti praile a mangiwarwaragawag a naibaunda a mangikalikagom iti kappia kaasi ken ayat?. dNapatpateg aya ti panagsellep iti ulo ti maysa nga ubing, ti panangpakan kenkuana iti asin, ngem ti panangriing iti nasipngetan a kararua ti maysa nga agdakdakes a tao iti dayta silaw a inted ti Apo iti tumunggal maysa tapno adda aramatenna a pangsapol iti imbag? ¿Naas-asi aya nga aramid ti panangkuyog iti maysa a mapan mabitay, ngem ti panangkuyog kenkuana iti narikot a dana a mangrugi iti dakes ket agtungpal iti imbag? ¿Di met adda bayadan aya a tiktik, berdugo kada guardia sibil? Toy, abos man pay ta narugit, ado met a pirak ti ibusenna.
—Gayyem ko unay, dakayo ken siak, nupay kayattayo, di tayto magun-od dayta.
—No datdatayo nga agpayso, awan kababaelan tayo; ngem
