—Denggenyo, apo, ti nabalabalak nga aramiden,— kinuna ni Elías, a sipapanunot, idi madamada nga agturturong sadi San Gabricl. "Inkayto ita ilemmeng iti balay ti maysa a gayyemko idiay Mandaluyong; yegkunto kadakayo amin ti pirakyo a naispalko ken inkalik iti puon ti baliti, iti nalmeng a tanem daydi apoyo a lakay; panawanyunto ti ili"...
—¿A mapan iti sabali a daga?—insengngat ni Ibarra.
—Ta inkay agbiag a sitatalingenngen kadagiti matda pay nga al-aldaw ti panagbiagyo. Addada gagayyemyo sadi Espania, baknangkayo, mabalinyunto a gun-uden ti pannakapakawanyo. Ngem uray ania ti mapagpagteng, ti sabali a daga kadakayo nasaysayaát ngem toy kabukbukudantayo.
Ni Crisóstomo saan a simmungbat; nagpanunot a si-uulimek.
Iti daydi a kanito, dimtengda iti karayan Pasig ket ti bangka rinugyanna a sinurong ti ayos. Iti rabaw ti rangtay ti Espania adda madama nga lumasat a nagkabayo ket adda nangngeg a napaót ken na-aweng a sultip.
—Elías, —insungbat ni Ibarra;—ti kinadak sanggasatyo a nag. gapo kadagiti ap-appok, namindua nga inispalyo ti biagko, ket saan la a naimbag a nakem ti utangko kadakayo, ngem rebbengko pay a isubli ti kukuayo. Ipatigmaányo kaniak a innak agyan iti sabali a daga, no kasta, ngarod, umaykay makikuyog kaniak ket agbiagtayto a kas dua nga agkabsat. Ditoy, daksanggasatkay met.
Ni Elías pinagkutina a sililiday ti ulona, ket simmungbat:
—¡Saan a mabalin! Agpayso a saanko a mabalin ti agayat ken agbiag a sigagasat ditoy ilik, ngem mabalinko ti agtuok ken matay iti sidongna, ket nalabit pay a gapo kenkuana: adda la sangkabassit a maited dayta. ¡Kayatko a ti kinadaksanggasat ti ilik, iso met ti kinadak sanggasatko, ket tangay saan a natay a
pinagsinggalot ti maymaysa a natakneng a panunot, tangay saan
