sudko nga inyangaw kenkuana. “Padre Kura,” insungbatna kaniak; “ammok a tungpalem ti saok, no saan a mamulitan ti dayaw
ko saannak nga agisupsuplong, ket uray ania ken kaanoman saannak a nagidardarom, iso ti gapona a duddua pay laeng dagiti bitbituen ko.”
Kalpasan ti panagsarsaritada kadagiti sabsabali pay a banbanag nga awan patpategda, ni Fr. Sibyla nagpakada.
Ti teniente saan a napan nga agpayso idiay Malakanyang, ngem ti Kapitan Jeneral naammuanna ti naaramid.
Idi nagsasaritaanda kadagiti ayudantena dagiti paspasagid dagiti pagpagiwarnak sadi Manila a nagkunkuna nga addada nag parang a banbandos ken sabsabali pay a datdatlag sadi langit, maysa kadagiti ayudantena sinaritana ti naaramid ken Padre Damaso a daytay inna pay pinalausan, nupay nataraki ti inna pannakaisawang.
¿Asinno ti nakaammuan? —sinaludsod ti Kapitan Jeneral a immisem.
—Ni Laruja, ta inna sinarita itay bigat idiay Pagsuratan.
Ti Kapitan Jeneral immisem manen, sana innayon; Babai ken praile saanda a makaammo! Sigpek ti agbiag a sitatalna kadagiti al-aldaw a panagyanko ditoy ket diak kayaten ti makibibiang kadagiti lallaki a nagpandiling. Ket nangruna la ngaruden, ta naammuak a ti Probinsial dina tinungpal ti bilingko; dinawatko a kas dusa dayta a praile ti pannakayalisna; ket pudno, ta inyalisda nga inpan iti sabali nga ili a nasaysayaat nga adayo: ¡pinapraile, kas kunatay sadi Espania!
Ngem idi maymaysan ti Kapitan Jeneral, saanen a immisem.
—¡A! no toy a ili di kuma unay naglabes ti kinalanggongna. pagsalaek kuma dagiti praile, — inyasugna. — Ngem tunggal ili kaikarianna ti gasatna, ket aramiden ket di ti aramid dagiti amin a tattao.
Ni Kapitan Tiago met lineppasna ti pannakisaritana ken Padre Damaso, wenno nalalaing kuma, no ni Padre Damaso linep pasna ti pannakisaritana ken Kapitan Tiago.
—¡Ammumon a! —kinuna daydi pransiskano idi nagpakada.
—Amin toy naliklikan kuma no inyumanmo kaniak idi, no di mo kuma inyulbod idi sinaludsudko kenka. Ikagumaanmo ti saan nga agaramid iti minamauyungen! ket agtalekka itoy padrino na!
