a nakaabito iti ginggon. Ti sakristan mayor nakaurnong iti sang-kabassit a puunanna, gapo iti panaglaklako wenno panagipalpalimosna, ta kasta ti maiparbeng a pannakaisauna, kadagiti amin
a masapsapol a pangispal iti kararua ken pakibakal iti sairo: paggaammon a toy a espiritu nga idi unana, maituredna pay met la a
salungasingen ti Dios iti rupanrupa. nga inna pagduaduaan dagiti
sasaona, kas masarita iti santo a pagbasaan ni Jacob; ket inpanna
iti tangatang ni Apo Tayo a Jesukristo, kas inaramidna iti kalpasanna, idi Edad Media kadagiti burburuja ket kunada nga ar-aramidenna pay laeng kadagiti as-asuang sadi Pilipinas, ita kas la nagbalinen a managbabain unay, ta dina pay kabaelanen a kitaen ti
maysa a rigis a nakaipintaan ti dua a takiag, ket kabutengna payen
dagiti siglusiglot ti maysa a barikes: ngem toy awan sabali nga
ipamatmatna no di ti irarang-ay met iti daytoy a banag, ket ti sairo,
maysa a parsua nga agsansanod wenno agtaltalinaed latta iti daan
a kasaadna, a kas kadagiti amin nga agbiag iti sidong ni sip
nget, no di kayat a ipaaramid kenkuana dagiti kinkinakapoy ti
maysa a balasang nga agtawen iti sangapulo ket lima.
Kas nasaumi, ni Padre Salvi, naregta unay nga agtungpal kadagiti an-annóngna, kas kuna ti alperez, napalalo unay ti kinamanagtungpalna. No madama nga agsersermon—naayat unay a mangasaba—mairikep dagiti ruruangan ti simbaan; iti daytoy, pumadpad ken Neron nga awan patalawenna no madama nga agdandaniw iti pagbuyaan; ngem ni Padre Salvi aramidenna toy iti pagimbagan dagiti karkararua, ket ni Neron, iti pagdaksanda. —Amin a basol dagiti adda iti babaen ti turayna, kadawyanna a dusaen iti multa, ta paspasaray unay ti panagkabilna, iso a pakaigidiatanna pay unay ken Padre Damaso, a sulong ken pang-or la ti pakisasaona, nupay agkatkatawa ket naimbag met ti nakemna a mangidisso. Gapona a saan a mabalin a guraen: kapkapnckanna a pang-or laeng ti maiparbeng a pakisao iti indio; kasta ti inbaga kenkuana ti maysa a praile nga ammuna ti agsurat iti pagbasaan, ket iso patienna ta kaano man dina sinupiat ti amin a naimaldit: gapo itoy a kinapakumbabana aduda dagiti tattao nga agasog.
Ni Fray Salvi manmano unay no agkabil, ngem, kas kuna ti maysa a lakay a pilosopo sadi nga ili, ti pagkuranganna iti bilang, agsurok, iti pigsa, ngem kaskasdi met a di mabalin a guraen. Dagiti panagay-ayuno ken panagtepteppel pinakapuyda ti darana, ket pagpungtuten a nalaka, ket, kas kuna dagiti tattao, umuli ti angin
