“mangaramidka iti chocolate AH?", alaem ti kallugong mon
kct agdardaraskan a pumanaw.
—Ania? —saludsuden ti maysa a sikikigtot, —manggaga mod? Karamba!
— ¡Saan met, saan!
—¿Ania, ngarod?
—Chocolate EH? kayatna a sawen, napalet (Espeso), ken chocolate AH, nadaroy aguado).
Ngem kunami a toy, parparbo laeng ti alperes, ta masarsarita a kasta met ti aramid dagiti ado a kukura. Malaksid no bilin ket ti Gimongda...
Iti la ayatna a mangranggas kenkuana, ti alperes inparitna, babaen ti panangipaltiing ni asawana, ti panagpagpagna no malabes ti maikasiam a uras iti rabii... Ni Dunia Consolacion ipapatina a nakitana ti kura a nakabado iti pinia ket nakakallugong iti nito nga agpagpagna iti tengnga ti rabii. Ni Fray Salvi bu males met iti sinasanto: no makitana ti alperes a sumbrek iti simbaan, paripkanna a di madmadlaw iti sakristan amin dagiti ruruangan, sa umuli iti pulpito ket rugyanna ti agsermunen inggana iti di agkidem amin dagiti sasanto, ken yarasaas ti kalapati a kayo nga adda iti ngatuen ti ulona, ladawan ti nadiusan a Espiritu, ti inna panagpakpakaasi! a sumardengen. Ti alperes, a kas kadagiti amin a madi nga agbabawi, saan met a iso ti panggapuanna nga agbalbaliw: rumuar nga agsapsapata, ket apaman a makatiliw iti maysa a sakristan wenno ubing ti kura, inna baluden, sapliten ken pagkuskusen iti datar ti kuartel ken ti pay balayna, nga iso tay luminis. Ti sakristan, no inna bayadan ti multa nga ipatay kenkuana ti kura gapo iti kaawanna, ibagana ti gapona. Ni Fray Salvi denggenna a siuulimek, idulinna ti pirak, ket padagdagusna a paibbatan dagiti kalkalding ken karkarnerona, tapno inda agarab iti minuyungan ti alperes, sa sumapol iti baro a banag a isermunna nga at-atiddog ken adadda a makapasingpet. Ngem dagitoy a maar-aramid saan da ket a lapped tapno, no daytay inda agsarak, agpinnetpetda iti ima ket agsauda iti nadayaw.
No daytay ti alperes matmaturog a sibabartek, wenno daytay agur-urok iti aldaw, ket ni Dunia Consolacion dina mabalin nga apaen, iso tay agyan iti tawa a si-a-angngab ti ngiwatna iti tabako ken sibabado iti pranela a balbag. Iso, ta di na maan-anusan dagiti
