—A! ket, inan-anom daydi bangkay?—intuloy a sinaludsod daydi delikado.
—Sairo! no kuman dika am-ammo ken diak ammo a taoa, kunak kuma a pudno a kastila ka a sibil: kas ka la agsalsaludsod a kas ti daydi maysa. Kua man...ti kura a dakkel inbilinna nga innak itabon iti sementerio dagiti sasanglay, ngem gapo ta nabantot daydi lungon, sa ket adayo ti sementerio dagiti sasanglay. . .
—Madiakon! madiakon! jdiak agkalin!—kinuna daydi maysa a sipupunno iti aligagget, ket inibbatanna ti suplad, ket limmagto nga immadayo iti tanem;—nakapisiak iti maysa a bangngabangnga, ket mabutengak a dinak paturugen no rabii.
Daydi agitabtabon nagpagaak idi makitana nga umadayo daydi maysa, a kuros la a kuros.
Ti kampo-santo nain-inot a napunno kadagiti lallaki kada babbai, a nakapanes. Addada agsapol a mabayag bassit iti maysa a tanem, sada agsusungbat, ket gapo ta dida agsusurot, agsisinada, ket tumunggal maysa agparintumeng iti namnamacnna a nasaysayaat; dagiti daddtima, dagiti panpanteon ti nakaitabunan dagiti kakabagyanda, mangseggedda iti kandela, sada aglualo a sipapasnek; addada met mangngeg nga as-asog ken an-anug-og a daytay maigaggagara a mapalausan wenno mapedped. Mangngegen ti run-run ti kasta unay a “orapreo," “orapreiss” ken “reIfiemaeternams”.
Maysa a lakay, a nabiag ti panagmatmatana, ti simbrek a uloulo. Idi makitada, aduda dagiti nagkatawa, dagiti dadduma a babbai nagmuraregda. Daydi lakay kas la dina inkankano dagidi nga ar-aramidda, ta nagturong man iti yan dagiti nabunton a bangngabangnga nagparintumeng ket nabayag bassit nga adda sinapsapol dagiti matmatana iti yan dagiti tultulang; idi kuan, inna pinagsisina a si-a-annad, dagidi bangngabanga, ket gapo ti dina makita ti sapsapulenna, nagmurareg, nagwingiwing, kimmita iti amin a di mangan-ano, ket kamaudinanna, timmakder ket nag turong iti agitabtabon.
—Oy!—kinunana.
Ti agitabtabon intangadna ti ulona.
—iAmmon no adinno ti yan ti maysa a nalapsat a bangnga bangnga, a puraw a kas ti bagas ti niog, adda amin a ngipngipen-
