Wen!—intuluyna,—malagipko nga adda rnaysa a bato iti sikiganna; daydi abot adda ab-ababana; ti agitabtabon, masakit
idi, ket rnaysa a katalunan ti nagkali; ngern saludsuden man ket
iti dayta agitabtabon no naan-ano daydi krus
Nagturungda iti agitabtabon, iso a mangpalpaliiw kadakuada
a sigagagar.
Toy linugayanna ida nga inikkatna ti kallugongna.
—Mabalinyo nga ibaga kadakami no adinno sadiay daydi tanem nga adda krusna?—sinaludsod daydi babaunen.
Ti nasaludsudan kimmita iti intudo da ket nagpanunot.
—Maysa a krus a dakkel?
—Wen, dakkel,—kinuna a nakaragsak daydi lakay ket kinitana iti kas la adda kayatna a sawen ni Ibarra, iso a rimmagsak ti rupana.
—Maysa a krus a nakitikitan, ket nagalutan iti way? —sinubli a sinaludsod ti agitabtabon.
—Wen, wen, kastoy, kastoy!—ket daydi babaunen nangyugis iti sinankrus a bisantino iti daga.
—Ket iti daydi tanem addada naimula a sabsabong?
—Adelpa, sampaga ken pensamiento! wen, iso dayta! —in nayon daydi lakay a napnuan ragsak, ket inggayatanna iti rnaysa a tabako.
—Ibagayo man no adinno ti yan daydi tanem ken no adinno ti yan daydi krus.
Ti agitabtabon kinudkudna ti lapayagna ket simmungbat a nagsuyaab:
—Ket daydi krus a ket . . . pinuurakon!
—Pinuuram? ket, dsayo pay met pinuuran?
—Gapo ta kasta ti bilin ti kura a dakkel.
—Asinno ti kura a dakkel? —sinaludsod ni Ibarra.
Asinno? Tay agkabil, ni Padre Garrote.
Ni Ibarra inyaprusna ti imana iti mugingna.
—Ngem, uray kasta, mabalinyo nga ibaga no adinno ti yan daydi tanem? malagipyo ngata.
Ti agitabtabon immisem.
—Daydi natay awan sadiayen! —insungbatna a sitatalna.
—Ania ti kuna yo?
