106
Sa ingon niana malipay lamang ako nga inyong bayran sa barahá ikaw, P. Sibyla, mitubag nga malipayon si Simoun; inay mohatag kanako ug lima ka “tantos," igo lamang moingon, pananglit: "sulod sa lima ka adlaw mobiya ako sa kakabús, sa pagpaubús, sa pagsugót. ug ikaw, P. Irene, moingon usab: "mobiya ako sa pagka-ulay, sa pagkamanggihatagon, ubp." Nakita na ninyo nga diyutay da kaayo ang akong pangayuon ug ako mobutang sa akong mga brilyante.
- Pagka-kahibulongang tawhana niining Simoun, pagka daghag mga hunahunang binuang! miingon Si P. Irene nga nahikatawá.
- Ug "kini" --- mipadayon pagsulti si Simoun nga mihikap sa abaga sa Kapitan Heneral - "kini mobayad kanako ug lima ka "tantos," usá ka "vale" nga mobili ug lima ka adlaw nga bilanggo; usá ka "solo," bili ug lima ka bulan; usá ka "codillo." bili ug usa ka sugo sa paghingilin nga dili sulatan sa ngalan sa buót hinginlan; usá ka "bola". . . ingnon tang pulonga, nga mobili ug usa ka pagpusil ug tawo nga sa walay daghang kuti-kuti himoun sa "Guardia Civil" samtang ang dinakpan ihatód gikan sa usa ka lungsod ngadto sa lain, ubp. Kadtong pinustaay nga gihagad ni Simoun makapahibulong kaayo. Ang tutuló ka tawo nga nagsuroysuroy nanuol.
-Apan, ginoo Simoun, nangutana ang nagahupút ug hataas nga katungdanan, unsa may makuha mo sa pagkab-ut ug mga maayong buhat nga binábá lamang, paghunos ug mga kinabuhi, mga panghingilin ug pagpatay nga dili gimbut-an sa mga hukmanan?
Dakú kaayo! Gikapuyan na akog pinamati sa mga sulti ba- hin sa mga "virtud" ug buút ko unta huptan silang tanan, ang tanang mga "virtud" nga ania sa kalibutan, ipanulod ug usá ka sako aron itambog ko sila sa dagat, bisan gawion kong bato-bato ang tanan nakong mga brilyante. -
-Kataw-anán nga dakú kanang imong hunahuna! mi- ingon si P. Irene nga mikatawa; nan, unsa-on man nimo ang mga panghingilin ug mga pagpatáy nga dili gimbut-an sa mga hukmanan?
-Aw, gawion ko aron paghinlo sa lungsod ug pagpuo sa tanang binhi nga malaksot . . .
