Sa gabii niadtong Sabadoha, si insik Kiroga, nga nagtinguha sa pagbutag usa ka konsulado sa iyang nasud. Naghatag panihapon sa taas sa iyang dakung tindahan sa dalan Escolta. Ang iyang kombira dinugukan kaayo; mga prayle, mga kawani, mga sundalo, mga magpapatigayon, tanan niyang mga suki, mga kurambos sa patigayon, kun mga padrino, didto; ang iyang tin dahan mao ang suki sa mga kura ug mga kombento ug adto sila didto magpalitan sa ilang mga kinahanglanon, modawat sa mga “bale” sa tanang mga kawani, may mga sulogoon nga kasaligan, buotan ug maabiabihon. Bisan ang mga prayle dili maulaw nga maghayanghayang sa iyang tindahan sulod sa hata-as nga panahon, sa mga bata sa mga pumapalit, kun sa mga lawak ba sa sulod, uban sa pila ka maanyag . . .
Niadtong gabhiona, ang lawak nagpakitag usa ka talan-awon nga makalilingaw. Nauso sa mga prayle ug mga kawan, nga nanglingkod sa mga lingkoranan nga “Viena” ug sa mga gagmayng banko nga hinimo sa kahoy nga maitum kun sa mga ling koranan nga marmol, nga tinugon sa kanton, atbang sa mga lamisang gagmay nga eskinado, nanagdula sa tresilyo kun nagsultisulti lamang, hinayagan sa mga sugang mahayag sa mga parol nga dorado kun sa sugang tinghoy sa mga parol nga ininsik, nga dinayandayanan sa mga tag-as nga ikog nga seka. Sa mga bongbong nagkasakot lamang ang mga pinintal sa kanton ug Hongkong, diin makita ang nagkalainlaing mga dagway, mga babaye nga diyutay na lamag kulang maghubo, mga larawan bayotni Dristo, ang kamatayi'on sa tawong matarong ug makasasala, nga pinintal sa mga balay sa patigayong hudiyo sa Alemanya, aron ibaligya sa mga estampang ininsik sa papil mga pula, diin makita ang usa ka tawo nga naglingkod, mahusay, masayag ug talahurog panagway, samtang sa iyang luyo nagtindog ang usa
ka solugoon nga ngil-ad ug dagway, yaw-on ug hitsura, maba-
