182
— Natagbaw na kamo? makasugod na kita?
Tan-awa ra, dili ba bugnaw kaayog sinultihan . . . misulti ang usa ka babaycng balo.
— Kon mao kana, panlingkod kamo, mga ginang ug mga Ginoo, tig paghunahuna kamo sa buot ninyo ipangotana.
Si Mr. Leeds nisulod sa usa ka pultahan, ug sa wala madugay migula nga nagdalag usa ka kahon nga kahoy nga maitum, nga gabok na, nga gipintalag mga larawan sa mga langgam, mga mananap, mga bulak, mga ulo sa tawo, ug uban pa.
— Mga ginang ug mga Ginoo, misulti si Mr. Leeds nga ugdang kaayo ang paningog; sa usa ka higayon nga miduaw ako sa piramide sa Khufu, usa ka para-on sa ikaupat nga kaliwat, nakakita akog usa ka lubnganan nga himo sa bat nga pula, sulod sa usa ka lawak nga biniyaan. Ang akong kahingop daku uyamut, kay :gipakaingon ko nga nakakita sa usa ka momya sa usa ka hari, apan daku kaayo ang akong kahibulong nga, sa human na buksi ang lubnganan pinaagi sa labihang panlimbasug, mao ray nakita nako kining kahon nga ania sa inyong atubangan ug nga mahimo ninyo paghiling.
Ug gisuroy niya ang kahon sa mga nanaglingkod sa unang lumbay sa lingkoranan. Si pari Camorra, milingiw ug gisibug ang iyang nawong sama sa gihugawan, apan si pari Salvi mitan-aw sa dool, sama sa usa ka mahigugmaong motan-aw sa mga talan-awon nga mamingawon. Si pari Irene igo lang nga mipahiyum sa usa ka pahiyum nga masinabuton; si Don Custodio nagpakitag kaugdang ug pagyubit, ug si Ben Zayb nangita sa iyang salamin: wala siya masayop, sa iya pang hunahuna, kay ang tanan pulos lang gayud lamat pinaagi sa mga salamin.
— Pagkabahong minatay, pzz!, miingon ang usa ka Ginang. Ug dayon pamaypay sa kusog nga pamaypay.
— Baho mag kap-atan ka kaliwat!, misagbat ang usa. Si Ben Zayb nalimut sa mga salamin, aron pagtan-aw kon kin sa kadto nga nakasulti niadtong sultiha. Kini maoy usa ka sundalo nga nakabasa kang Napoleon. Si Ben Zayb nasina kaniya, ug aron pagyamyam sa usa ka sulti nga makapalagut kang pari Camorra, miingon:
— Baho nga simbahan:
— Kining kahona, mga Ginoo — mipadayon ang Amerikanhon, may sulod nga usa ka hakop nga abog ug usa tipik sa
