186
mga mananaug naggamit kanila sa ilang kapuslanan, gitabangan sila ug gihupong sa salapi, apan pipila kanila dili lamang kay nagsunod sa ilang kabobot-on, kon dili nahimo nga ilang ulipon. Ang mga paring ehiptohanon nagtuman sa mga sugo ni Gaumata, tungod kay nahadlok sila kanako nga isugilon ko sa lungsod ang ilang mga dautang buhat. Aron pagtuman sa ilang kabobot-on gigamit nila ang usa ka batan-ong pari sa Agydos, nga gituhoan nga balaanon . . .
Usa ka kahilom nga makalilisang midawat ning mga polonga. Ang “ulo nagsugilon sa mga panlimbong ug panlupig sa mga pari, ug bisan kini nahitabo sa laing panahon ug sa laing tinuhoan, bisan pa niini nakapahimangod sa mga prayle nga nanambong, tingali tungod kay nakita nila nga ang kahimtang karcn maingoningon. Si pari Salvi, nagpangurog, sama sa gihitakigan, nagkibutkibut ang baba ug nalain kaayo nga nagtanaw sa ulo.
Mga singot nga mabugnaw miagas sa iyang agtang, apan walay naka-alinggat kay ang tanang mata didto man sa ulo.
— Giunsa man pagbudhi kanimo sa mga pari sa imong lung sod? nangotana si Mr. Leeds.
Ang ulo mingtuaw sa usa ka masolob-on nga pagtuaw, sa usa ka paningog nga mao pag gikan sa kasingkasing, ug nakita sa nanambong nga ang iyang mga mata, nga masiga, maorag gidag-uman ug napuno sa luha. Gipangilogkilogan ang kadaghanan ug nakita nila nga nanindog ang balhibo sa ilang bukton. Dili, dili kadto lamat; dili salamangka; kadto uloha maoy usa nka sinakit ug nagsugilon sa iyang kaugalingong kaagi.
—Ay! miingon sa dakung kasubo; ako nahigugma sa usa ka d alagang batan-on, putli sama sa kahayag, sama sa usa ka bulak nga bag-o pang mibuklad! Apan, ang batan-ong pari Abydos naninguha usab kaniya, ug tungod niini naglalang siyag usa ka kagubot ug gipasangil kanako, gumikan sa pipila ka mga sulat nako nga nakuha niya sa akong hinigugma. Ang kagubot gialsa sa diha nga si Cambyses mipauli nga naglagut gikan sa iyang kaparot. Ako gisumbong nga manggugubut, gibilangyo, ug tungod kay nakakagyo man ako, sa ilang paglutos kanako, ako ilang gipatay sa sapa sa Moeris . . . sukad sa usa ka kalibutan nakita ko ang pagdaug sa limbong, nakita ko ang parisa Abydos nga nagagukod adlaw ug gabii sa putli kong hinigugma nga mitago
