This page has been validated.
- 188
— Kinahanglan gayud nga kining mga talan-awona idili, miingon si Don Custodio sa iyang paggula; mahilas ug espidnohanon kaayo!
— Labi na kay wala maggamit sa mga salamin!, midugang si Ben Zayb.
Apan una siya mobiya sa lawak, nagpakisayud pa gayud siya; milukso siya sa uwang-uwang, midool sa lamisa, ug giukab ang panapton; wala siya nakita, wala gihapon . . .
Sa sunod nga adlaw, nagsulat siya sa usa ka sinulat sa iyang mantalaan ng naghisgut sa mga kinaadman nga tinagoan, sa ispiritismo, ug uban pa. Dihadiha miabut ang usa ka sugo sa Gobernador sa simbahan nga nagdili niadtong mga talan-awona. Apan si Mr. Leeds nawala na ug nakakagyo na sa Hongkong.
