200
ngon... Dili mahimo; ako na kini nga gihunahuna pag-ayo,
apan karon gihilantan ako... ang akong salabutan dili matinaw... dayag na lamang... kon nakahimo akog dautan, kana
tungod kay maayo ang akong tinguha, ug ang tinguha maoy
makalinis sa tanang mga paagi... Ang akong buhaton mao
ang dili pag-unong...
Ug sa diha nga naglibug ang iyang ulo, mihigda ug buot unta matulog.
Sa pagkasunod nga adlaw, si Placido namati sa dakung pagpailob ug pinahiyum ang mga ngabil, sa wali sa iyang inahan. Sa diha nga kini misulti kaniya sa iyang tinguha sa paghangyo sa Prokurador sa mga paring agustinos, wala siya mosupak ug wala siya motutol; hinonoa, mitanyag siya nga siyay mangunay sa pagsulti, aron dili mahago ang iyang inahan, nga iyang gihangyo nga mopauli una sa lalawigan, kon mahimo niadto dayong adlawa. Si Kabesang Andang nangotana kaniyag ngano:
— Kay kon ang Prokurador mahibalo nga ania ka dinhi, dili siya mosugot kon dili mo siya tagaag gasa ug pipila ka mga misa.
