Sa sunod nga adlaw, huwebes kadto, pila ka takna unai pa mosalop ang adlaw, mipaingon si Isagani sa maanindot nga suroyanan sa Maria Cristina paingon sa Malikon, aron sa papakigkita kang Paulita sumala sa sabut nila niadtong buntaga. Ang batan-on wala magduhaduha nga magkahisgut sila sa nahitabo sa unang gabii, ug sanglit siya mangayo man gayu mga katin-awan ug nahibalo sa pagkamapahitas-on ni Paulita, nagpaabut siya nga sila magkabulag. Aron sa pagpanagana niini, gidala niya ang duha ka pirasong papil, diin mabasa ang pila ka dalan nga sinulat sa dinalidali ug may daghang pinapasan ug maarang-arang ang agi, mga apan kini nga wala makapugong niadtong batan-on nga nahigugma sa pagtipig kanila, sama sa pagtipig sa mga sinulat ni safo ug sa magbabalak nga si Polimnia.
Kining pagpalabi sa gugma kay sa kaulawan, ang paghibalo nga siya nag-antus sa pagtuman sa katungdanan, wala makaulang nga usa ka dakung kamingaw mohari sa kasingkasing ni Isagani ug makapahandum kaniya sa mga maanindot nga adlaw ug sa mga gabii nga labi pang maanindot, nga maghinonghongay silag mga matam-is nga binuang sa rehas nga puno sa bulak sa bintana sa entresuwelo, mga binuang kini nga alang sa batan-on nagdalag kaugdang ug kamahal, nga gipakaingon niya nga mao day angayan hunahunaon sa hataas nga salabutan sa tawo. Si Isagani naghandum sa mga pagsuroysuroy nila sa mga gabiing bulanon, didto sa Perya, ingon man sa mga pagkaadlawon sa Disyembre human sa mga misa sa aginaldo, sa tubig nga bcndital nga iyang itunol sa iyang tudlo ug nga dawaton sa iyang hinigugma, pinaubanan sa tinan-awan nga puno sa gugma, ug mangilogkilog sila inigkatulog sila inigkatakdo sa ilang mga tudlo. Mga tunog nga panghupaw sama
