Ang hawanan sa Pansiteria Macanista De Beun Gusto nagpakita niadtong gabhiona sa usa ka talan-awon nga talagsaon.
Napulog upat ka mga batan-on, nga gikan sa nagkalainlaing mga pulo sa kapopod-an, gikan sa lubos nga indiyo (kon
aduna man ganiy lubos) ngadto sa lubos usab nga katsila, nagkatigum aron pagsaulog sa piging nga gisugyot ni Pari Irene,
tungod sa hukom nga gihatag sa hunahuna sa pagtudlo sa kinatsila. Hang giabangan alang kanila da ang tanang mga
talad, gipadungagan ang mga suga ug gipapi’it sa paril, tupad
sa mga kuwadro mga ininsik, kining mosunod nga sinulat:
HIMAYA KANG DON CUSTODIO TUNGOD SA IYANG KAIGMAT UG PANSIT DINHI SA YUTA SA MGA BATAN-ON NGA MAAYONG KABOBOT-ON.
Sa usa ka lungsod diin ang tanang kataw-anan pagatabanan sa pintal sa kaligdong, diin daghan ang mousbaw gumikan sa pa-aso ug sa hangin nga mainit; sa usa ka nasud diin ang mga maligdong ug tininuod nga pagbati makahatag kadaut iniggula na sa kasingkasing ug usahay makahatag kagubot, tingali kadtong gibuhat sa mga batan-on mao ang labing maayo aron sa pagsaulog sa kalaki sa bantugang Don Custodio. Ang gikantalitahan motubag sa kantalita nga motalidhay larnang, ug ang matam-is nga gidulot sa kagamhanan bas’.ag usa ka plato nga pansit, ug labaw pa...
Mangatawa ang tanan, managtiaway, apan makita sa tanan nga ang katawa linugos; ang mga talidhay nagdalag usa ka pangurog sa kaunuran, sa mga mata mangidlap ang kagool nga gibati ug dihay kapin sa usa nga nakita nga nagluha. Apan, kon tan-awon pag-ayo, kadtong mga batan-ona wala magsubay sa katarungan... Dili kay mao pa kadtoy higayon nga
