Didto sa ubus laing mga talan-awon ang makita.
Nanglingkod sa mga bangko ug mga dagkung siya nga kahoy, tipon sa mga maleta, mga kahon, mga bukag ug mga tampipi, duol sa makina sa bapor ug inalisngawan sa kainit sa “caldera” ug o sa baho nga o dili masingo> sa mga tawo ug sa “caeite,” makita nato ang kadaghanani sa mga sumasakay.
Ang uban nanagsud-ong sa hilom sa nagkalain-laing mga talan-awon sa kadaplinan sa suba, ang uban nanagsugal kun nanagsulti-sulti taliwala sa kagahob sa mga pala, sa kasaba sa makina, sa sinagitsit sa alisngaw nga mokalit paggula sa tubo sa makina, sa tingog sa budyong sa bapor. Sa usa ka suok, nanagdulog daw mga minatay nga gipanghapnig, nangatulog kun buut mangatulog ang pipila ka mga insik nga magpapatigayon, nangabuy-od, mga maluspad, nanaglaway ug natumog sa mapilitpilit nga singot nga nagatubod sa ilang tibuok nga kalawasan. Ang pipila ka batan-on, mga tinon-an ang kadaghanan kanila, nga maila dayon tungud sa ilang kahindik ug mga saput nga maputi uyamut, mao day nangahas pagsuroy-suroy gikan sa ulin ngadto sa dulong, manglakad sa mga bukag ug mga kahon, mga malipayon uyamut tungud sa paghunahuna sa umaabut nga mga adlawng tingpahulay. Usahay managlantugi sila mahilagda sa Fisica nga hikalimtan na nila, usahay usab managsaliring sa usa ka kolehiyala, sa usa ka magbabaligyag tilad nga pulahon ug mga ngabil ug naga kuwintas ug tinuhog nga mga bulak sa sampagita, ug hiinghongan nila kini mga pulong nga makapilit kanila pagpahiyum kun pagsampong sa ilang nawong sa usa ka paypay nga pinintalan.
Apan duroha niadtong mga tinon-an, inay mangalingaw pakigsulti-sulti sa mga dalaga, nakiglantugi didto sa dulong sa usa ka ginoo nga hamtong na apan maayo gihapon ug barog. Kadtdng duroha ka tinon-an dagway naila ug gitamod gayud kaayo
