298
sa iyang hepe, samtang molantaw sa dalan, sama :sa magpahimangno: “Tingali bay a gibantayan kita”....
— Tungod sa operita tingali, nagkanayon ang mamomoo.
— Oho, misagbat ang eskribyinti, sama sa nalooy: ang mga paskin tinuod. Chichoy, apan tagaan ko ikaw ug katin-awan. Ug, sama sa maghonghong, misulti siya:
— Kadto maoy usa ka kalaki ni insik Kiroga....
— Ehem, ehem, miigham na usab ang platiro nga nag paburot sa iyang baba sa buyo.
— Tuhoi lagi ako, Chichoy, si insik Kiroga gayud. Ako kana nga nadungog sa akong buhatan.
— Naku, tingali tinuod, miingon ang usa, nga mao rag mitoo na gayud sa sulti nga iyang nadungog.
— Si Kiroga, nagpadayon ang eskribiyinti, adunay usa ka gatus ka libo ka pisos nga salaping mehikanhon nga gidala sa usa ka bapor nga naa wala pa makasulod. Unsaon pagpasulod nianang salapi-a? Puwes, gimugna niya ang mga paskin-paskin, pinahimuslan ang kuwestiyon sa mga estudiyanti, ug, sam tang ang tanan nagibuot, pum, gilanahan ang mga kawani ug gipasulod ang mga kahon sa salapi.
— Husto tuod, husto. Poriso palang si insik Kiroga, poriso... Apan wala na siya makasumpay, kay wala man usab siyay igsusumpay.
Ug mihilum na lamang kay wala man siyay ikasulti mahitungod kang insik Kiroga.
— Ug unya kita ang mag-antus, misulti si Chichoy, nga mao rag naglagut.
— Ehem, ehem, miigham na usab ang platiro, nga nakadungog nga adunay miagi sa dalan. Tuod man, ang tunob mao rag nagkadool, ug ang tanan mihilum.
— Si San Pascual Bailon maoy usa ka dakong balaan, matud pa sa platiro sa kusog nga tingog, apan nagkidhat sa mata sa iyang mga kauban... Si San Pascual Bailon....
Niadtong higayona, mitungha si Placido Penitente, nga kinuyogan sa tigbuhat sa mga kohitis nga nakita ta na nga gikasulti ni Simoun. Ang tanan mialirong sa mga bag-ong niabut, nangotana sa mga balita.
