- 309
— Si Pari Camorra, ang kura!, nagkanayon ang tingog. Si Juli namahit sa ngabil ug naghinoktok nga nagmasolob-on.
Tungod sa pagbuno sa iyang amahan, gibilanggo ang apuhan, basin na lang sa ingon niadto mahitungha ang iyang amahan. Mao ray nakapabuhi si Pari Camorra ug si Pari Camorra wala malipay nga gipasalamatan lamang siya sa pulong, ug tungod sa kinaiyang dili matago, nangayo kang Juli sa usa ka butang nga maoy labing mahal sa usa ka babaye. Sukad niadto si Juli nagalikay na sa pagpakigkita kang Pari Camorra, apan ang pari kon magpahalok sa kamot, pisliton ang iyang ilong ug mga aping, motiaw kaniya nga magkatawa ug mokusi nga ipaagi lamang sa tiaw. Si Juli maoy nakaingon nga gisagpa sa pari ang pila ka batan-on nga nagharana sa kadalagahan Ang mga matahom, kon makakita nga molabay si Juli nga magduko ug maugdang, magsulti dayon nga tuyoon nila sa pagpadungog....
— Kon buot pa diay siya, pasayloon gayud si Kabesang Tales.
Si Juli moabut sa ila nga masulob,on ? ug maglirawliraw ang mga mata.
Midangat ang kabuntagon ug ang mamingawong hunahuna ug ang mga kakulba sa kangitngitan mihupaypayg diyutay. . Ang kahayag nakapaturok sa iyang kasingkasing sa usa ka bag-ong pagsalig. Apan sa pagkahapon, ang mga balita makalilisang na kaayo; gisulti nga dunay gipamaril, ug kadtong gabhiona makalilisang kaayo alang kang Juli. Sa iyang kagool nakahunahuna na lamang siya sa pagsugot sa pari kon mosidlak na ang adlaw, ug unya maghikog siya dayon. Mou-* yon na lamang siya sa tanan, nga dili na lamang siya magantus niadtong pagkabutanga.
Apan ang banagbanag makapaturok kaniyag mga bag-ong paglaum, ug ang batan-on wala manaug sa iyang balay, wala mosulod sa simbahan. Nahadlok nga dag-on siya sa panulay.
Ug sa ingon niini, miagi ang pila ka adlaw; nag-ampo nanghimaraut, misangpit kang Bathala ug nagtinguha sa kamatayon. Pagahitan-awan niya ang iyang amahan nga nagbagdoybagdoy, gutom ug walay pahulay. Pagahikit-an niya si Basilio nga nagtinga sa dalan, nga samaran sa duha ka samad,
