360
Ang kabo, milagom sa kaligutgot, nagtudlo ngadto sa gipungpong mga binilanggo ug miingon:
— Pamusila!.
Ang mga binilanggo nangluhod, puno sa kalisang. Tungod kay dili man makahimo pagtuyhad sa ilang mga kamot, nanagpangayog pakilooy nga manghalok sa yuta kun nagpatuyhad sa ilang ulo: adunay nanagsulti sa ilang mga anak, adunay sa ilang mga inahan nga nanghibilin nga wala na unyay magdigamo; ang uban nagsaad nga muhatag ug kuwarta, ang uban nangaliya kang Bathala, apan ang mga kanyon sa pusil diha gitara sa kanila ug usa ka makalilisang butobuto nakapahilom kanilang tanan.
Sa ingon niana misugod ang mga butobuto batok sa nanagpahipi sa pangpang, nga sa hinayhinay gipuotan sa aso. Tu ngod niana ug sa kahinay sa butobuto, mahunahuna nga ang mga kaaway nga nanagpasalipod aduna lamang diay tingali mga tutolo ka pusil. Ang mga sundalo, sa kinataliwad-an nianang tanan, nagadasdas ug nagpabuto usab, nanagpasalipod sa mga dagkong gamot sa kahoy nga nangigdal, nanagkamang sa hinay aron pagdangat sa kahitas-an. Nanagpangaslay mga tinipak sa pangpang, nangabali ang mga sanga sa kahoy, nanagtuasik mga tinipsing sa yuta. Ang unang sundalo nga nangahas pagkatkat, napukan nga nagkaligid ug nasamad sa usa ka bala sa abaga.
Ang kaaway nga dili makita nakabintaha sa iyang pagkabutang; ang mga maisog nga sundalo nga dili maantigong mudagan, buot na unta manlunga, kay silang tanan nanghunong ug dili na buot mudasdas. Kadtong awaya batok sa mga dili makita nakapakuyaw kanila. Wala silay laing nakita kon dili mga aso da ug mga pangpang; wala silay nadungog nga tingog sa tawo, walay nakita bisan landong; maingon nato nga sila nakigbugno batok sa bukid.
— Dali na, Caroline! Hain na kanang imong pagkahinigo, p! misinggit ang kabo.
Niadtong higayona usa ka tawo mibutho sa imabaw sa pangpang nagwarawara sa iyang pusil.
— Pusila kana! — misinggit ang kabo nga mitu-awg usa ka mahugaw nga panamastamas.
