- 369
— Ngano man lagi nga iya mang gitungina kanako ang iyang panabang? — nangutana ang tingog sa masakiton, puno sa mapait nga pagsumbong.
— Kay ikaw nagpili man sa usa ka paagi nga Siya dili makahimo pagtugot! — mitubag ang pari sa tingog nga buotan: — ang himaya sa pagluwas sa usa ka lungsod dili hibatunan niadtong nakatampo sa paghimo sa iyang kahapay! Ikaw nagtoo nga ang sa kalapasan ug sa kadautang buhat gibulingan ug gihiwi, laing kalapasan ug laing kadautang buhat makahimo kanila pagputli ug pagluwas? Dakong sayop! Ang kaligutgot ma6 day mahimo ang mga dagway nga mangil-ad, ug ang sala mga tawong malapason; ang gugma ma6 day makahimog mga buhat nga katingalahan, ang buhat nga maayo mao day maka himo pagluwas! Dili; kon ang atong lungsod makakaplag man ugaling sa iyang kagawasan, dili tungod sa kahilayan ug sa dautang buhat, dili tungod sa iyang pagpasalaag sa iyang mga anak, nga pagalimbungan ang uban, ug pamaliton ang uban, dili; ang katubsanan nagpailag maayong buhat; ang maayong buhat nagpa-ilag maayong pamatasan, ug kini maoy pagpasakit sa kaugalingon, ug ang pagpasakit sa kaugalingon, nagpailag gugma ug pagbati.
— Oo, akong dawaton ang imong pamalibad, mitubag ang masakiton human moginhawag makadyot, ako nasayop, apan tungod kay alto nasayop, may katarungan na ba si Bathala sa pagdumili sa kagawasan sa usa ka lungsod, ug iyang tagaag kagawasan ang daghan nga labon pang mga kriminal kay kana ko; ikatandi ba akong sala sa sala sa mga anaa sa gahum? Ngano nga kanang inyong Bathala mohatag man ug labing dakung pagtagad sa akong kadautan kay sa sangpit sa mga tawong walay sala? Ngano nga wala ako siloti ug unya gipadaug ang lungscd? Ngano nga motugot siya nga magpadayon ang pag-antus sa daghang mga tawong buotan ug matarong ug magpakiyugpos lamang nga magtan-aw nga sila gidaugdaug?
— Ang mga buotan ug mga matarong kinahanglan magantus, aron ang ilang mga hunahuna maila ug mokaylap... Kinahanglan uyugon kun buk-on ang mga baso aron mayabo ang ilang kahumot, kinahanglan kudliton ang bato aron mogula ang kalayo... Pagbuot sa langit ang panaugdaug, ginoo Simoun....
