- 45
nga napiyong ang iyang mga mata. Diha nga nalinaw-linaw sa ang iyang hunahuna mahatungud sa palad sa iyang amahan, nagpalandong na usab siya sa iyang kaugalingon nagadanguyngoy bisan giluom niya ang iyang mga bakho aron ang tigulang dih makadungog. Inigkaugma mahimo na siyang binatonan, ug niadtong adlawa malagmit da ba gayud nga maoy iabut ni Basilio, nga dili madugay mahimo nang mananambal, dih angayan nga mangasawa sa usa ka dalaga nga kabus . . . Ug sulod sa iyang hunahuna ingon ug nakita niya si Basilio nga nagpadulong sa simbahan kuyog sa usa ka dalaga nga labing maanyag ug bahandianon sa lungsod, nanagsul-ob silang duha ug mga maayong saput, mga malipayon ug nanagpahiyum, samtang siya, siya
si Juh nagasunod sa iyang agalon nga babaye, nagabitbit ug mga nobena, mga buyo ug ang lud-anan. Ug dinhi mabati sa alaut nga dalaga nga daw matuok ang iyang tutonlan, daw mapiit ang iyang kasingkasing ug nangayo siya sa Birhen nga pasagdan lamang siya nga mamatay una mahitabo kadtong tanan.
— Apan maayo na lamang — matud pa sa iyang “conciencia” — nga masayud siya nga gipalabi ko ang pagpabaton kay sa pagpatinga sa “relicario” nga iyang gigasa kanako.
Kining hunahunaa, nakahupay ug diyutay sa iyang kaguoi ug bisan siya nagamata, nagadamgo ug mga hitabo nga malipayon. Kinsay nasayud? Mahimo nga mahitabo ang usa ka “milagro”: pila may palad kon makakaplag siya ug duha ka gatus ug kalim-an ka pisos sa ilalum sa larawan sa Birhen; pagkadaghan ba sa mga katingalahang sama niadto nga iyang nabasa! Mahimo nga ang Adlaw dili mosubang ug sa ingon niana dih moabut ang ugma, ug samtang dili pa moabut kanang adlawa mahimo nga madaug nila ang buroka. Mahimo nga mahiuli ang iyang amahan, mahimo usab nga mahitungha si Basilio; ma himo nga makakaplag siya ug usa ka baluyot nga bulawan didto sa ilang lagwerta, nga ipadala kaniya sa mga tulisan; ang kura, si P. Camorra nga masabug motiaw kaniya, mahimo usab nga moadto didto sa iyang balay kuyog sa mga tulisan ... Sa ngadto-ngadto ang iyang mga hunahuna daw ingon ug nalahugay ug wala na kaayo magkasumpay, hangtud nga sa katapusan gidaug sa kakapoy ug sa kaguoi ug nahikatulog intawon siya nga na gadamgo sa mga adlaw sa iyang pagka-bata didto sa taliwala sa lasang: nagadamgo siya nga naligo uban sa iyang duroha ka igsuong lalaki didto sa masulog nga sapa, adunay mga isdang gag-
