- 79
kinahanglan usikan; nga mangawagtang ang mga tawong walay dapat ug mahibilin ang mga makusganon!
Ug sa tingog nga makahahadlok, daw nakigsulti ug usa ka tawo, mipadayon siya pag-ingon:
— Pailob lamang una kam6 nga mihatag kanako ug usa ka ngalan ug usa ka panimalay, pailob kamo! Nawagtang ang tanan nga inyong gibilin kanako: yutang-natawhan, kaugmaon, kahamugawayan, lakip ang inyong mga lubnganan . . . apan pailob lamang una kamo! Ug ikaw, diwa nga hamili, kalag nga dakuan, nga mipuyo ning kinabuhi alang sa usa lamang ka tinguha ug giula mo ang imong kinabuhi sa walay giapas nga balus ni kahitingala sa katawohan, pailob, pailob lamang una! Ang mga paagi nga akong ginagawi kaha dili mao ang imo untang gagawion, apan mao ang mga paagi nga labing laktod . . . Ang Adlaw nagkahiduol na, ug kon siya mosidlak na, ako maoy mangunay pagpahibalo kaninyo. Pailob una kamo!
