FATSAL I.
DARI BHAB TITIQ, GHARIS BAN PADDHOE.
1. Doe-dadoewan rèja amòwa ĕnněm megghiq; tong-settongnga mòwa masaghi těppaq, sarta sakabbhinna mowa ghellaq pada radjana. Mòwa djarėja taḍaq kandhĕllą; dhaloebang salemper sè pada kěbbhangnga mòsò settong mowana doe-dadoewan sè ghellaq, kěnneng èòpamaqaghi mowa djarèja , anggher dhaloebangnga éangghép ta dạy kandhělla. Mòwa rèja loembrana ènjamaè nòroq bannjaqna bhoetjòna, òpama : ABCD (ghạmb. 1 ).
2. Mòwa sè masaghi těppaq djarėja abates ; batĕssa anjama gharis ; dhaddhi gharis rèja bada landjhangnga bhại , tadaq lèbarra ban kandhělla. Gharis kenneng épataò , mon sengkoq mělkot dhaloebang salemper, kěnnĕngnganna mělkoddha (pělkòdhanna) djarėja gharis. Ghambhar nòměr 2 èopamaqaghi ghąris , angghěr lèbạrra bạn kandhella mangsèna taq èpardoeli . Kapprana gharis rèja ènjamaè ngangghoej aksara è kontjoqna bạn è bhoengkana, òpama :AB (ghamb. 2).
3. Gharis rèja dhaddhi bada titiq reja kontjoq taḍaq bhoengkana njamana titiq ; landjhangnga , lèbarra ban kandhělla ; mòlana ghambhar arėja (. ) bannè titiq sanjatana , tjòma èòpamaqaghi bhại.
4. Mòwa rèja bada doe matjěm ; bada sè rata , akanţa mòwana dadoe ; bada sè kěmboeng (mlěngkong) , òpama mowana těllor.
Sè bhakal étjarėtaqaghija é dalěm boekoe réja tjòma mowa rata.
Barija kėja baḍa gharis lòros (madjhoe), òpama AB (ghamb. 2) ; bada sè biloeq, òpama CD (ghamb . 3).
7453
