This page has been proofread.
Di 14 October 1882.
Gio la plövgia spessa crouda,
Ravaschia sül tet la fo;
Nella stüva quaida, choda
Da ster uoss' ais bain prüvo.
Our dad our l'utuon melnescha
Gods e pros, chinchers ed er;
Quaunta pomp' in tuotta prescha
Vo svanind per pü turner!
Gio la plövgia spessa crouda;
Melanconic ais il di;
Üngün chaunt intuorn ün oda;
Chi partit nun tuorna pü!
Plövgia, tia ravaschia
M'inspirescha vers da led;
Aint nel cour melanconia
Porta del utuon il fled.
