This page has been proofread.
Tristezza.
Psalmodia da mort rimbomba
Aint in cour, intuorn a me;
Las muntagnas peran tomba,
La val d'En immens vasche.
Svolan corvs intuorn bregizzi
Melanconic fand udir;
Aint pel god sco'n di d'orizi
Crid' il vent ad insnuir.
Perché crida la natüra,
Derasand tristezza, led?
Perché pü e pü s'ins-chüra
Del creo l'immens tappet?
Tü t'insömgiast, la natüra
Ho trat aint sieu vstieu festel!
Vit' ais viv' in ogni dmura,
Dutsch accord resun' al tschel.
Corvs nun od, bain melodia
D'lodolettas zart e cher;
Fluors pompagian sper la via;
Tuot palaisa festager.
