This page has been validated.
In memoria da Conradin Flugi.
† a Coira, 17 Meg 1874.
Dell' orma hest chanto la prümavaira
Sco presentind ün dutsch e quaid spartir;
Ün cler tramunt illüminet ta saira,
Spartieu est tü, beo d'celest sorrir!
Tö est spartieu, fidaint in üna vaira
Novella vita in ün lö beo;
Est ieu davent al gnir d'la prümavaira
Cha tü sublimamaing hest dechanto.
Tü est spartieu, Nestor d'la bella rima
Chi nascha, viva sper il pür vadret;
Tü est spartieu, coltur d'la lingua prüma
Cha tia mamma prus' ün di't musset.
Tü est spartieu dalöntsch dell' Engiadina,
Cha tü amettast con amur sincer;
Ün craunz da rösas d'la regiun alpina
Voul ella hoz sün tieu vasche poser.
