This page has been proofread.
»Cuort' ais la gita, cher aquia,
Spert vain d'la vit' il dutsch tramunt;
Chammin con te la stessa via,
Davaunt la sort sbassand il frunt!«
1865.
A ........
Tü m'hest inclet eir sainza ch'eau favella!
Il sguard cognuoscha eloquaint tschantscher!
O sainz' at dir, mi' orma est tü bella!
Tü m'hest inclet, cun senn sublim e rer.
Inclet tü'm hest! O scha sulet sun quia,
In buoch' all' uonda da fatel azzard,
Nun tem ünguotta, cur ch'all' orma mia
D'amur favella l'eloquaint tieu sguard.
Ün bütsch d'amur ed üna padella.
La mamma fo'l pisoul;
Nun am rester suletta!
Banduna il chanvoul,
Ve aint in la stüvetta,
