This page has been proofread.
E sur la naiv sco rennas cuorran vi;
Schi, tuot demuossa quell' algrezcha püra,
Ch'in temp da naiv sper noss vadrets madüra!
A Nuttina.
Hest trent' ans? Schi ais bain ura
D'banduner il muond riaint.
Üngün tschert non s'inamura
D'ün utuon usche melnaint!
Guarda pür intuorn bellina,
Scha qualchün tü poust s-choder,
Ma tieu cour ais fraida pigna,
Chi nun po electriser.
Cur chi guott' il nes adüna,
Cur be fodas muoss' il frunt,
Cur ün daint e l'oter chüna,
Ün s'adarcha sco 'na punt,
Tschert allura ün fo föglia,
Marmuognand in ün chantun,
Be qualchün, bain sainza vöglia,
'T fo soter per compassiun!
