ja buccidæsek si gavnidæsek sist bufte gosa si gulle son læi.
56 Ja gosa son sisa manai, sidai daihe baiki, daihe daloi sisa, de buccidæsek si šiljoidi bigje, ja sust rokkadalle dušše su biftas ravdaidi oaǯǯot guoskatet; ja buokak, guđek sunji guoskategje, buorreduvvujegje.
7. Kapittal.
1 Ja pharisæalaǯak ja muttomak čaloappavaǯain, guđek Jerusalamest boattam legje, su lusa čoagganušše.
2 Ja go si oidne muttomid su mattajegjin sieivve, dat læ, bassalkættes gieđai laibe boradæmen, de si dam vavjegotte.
3 — Dastgo pharisæalaǯak ja buok judalaǯak æi bora, auddal go gieđaidæsek si davja bassam læk, go vanhemi asatusaid si dollek:
4 ja mi šiljoin boatta, æi si bora, auddal go si dam bassalam læk; ja ædnag ærra asatusak læk, maid doallat si vuollai mannam læk, gæraid ja littid, ja væike littid ja bænkaid bassalek. —
5 De pharisæalaǯak ja čaloappavaǯak sust jerre: manne du mattajegjidad æi vagjol vanhemi asatusai mield, mutto laibid si borrek bassalkættes gieđai?
6 Mutto son vastedi, ja sigjidi celki: Esaias rieftoi din harrai enostam læ, di guoftelaǯak! nuftgo čallujuvvum læ: dak olbmuk bofsamidæsekguim muo galle gudniettek, mutto sin vaibmosek gukken muo lut læ.
