bardne, armet muo!
49 Ja Jesus čuoǯasti, ja gočoi sin ravkkat su; ja si ravkke dam čuovgates olbmu; ja celkke sunji: læǥe irvok, čuoǯǯel, son ravkka du.
50 Mutto olgoldas biftas son nuolai, čuoǯǯeli, ja Jesus lusa manai.
51 Ja Jesus vastedi, ja sunji celki: maid aigok don mon dunji daǥam? mutto čuovgatæbme sunji celki: rabboni! atte oaidnen mon dakkujuvum.
52 Mutto Jesus sunji celki: vuolge, osskot du læ bæsstam. Ja dallanaǥa son oini, ja maŧkke guoibmen son Jesus čuovoi.
11. Kapittal.
1 Ja go si Jerusalemi lakkanišgotte, Betphagai ja Bethaniai oljovare vuold, de guoft matajegjines son vuolgati, ja sodnuidi celki:
2 Manne dam siddi, mi dodnu audast læ; ja dallanaǥa, go dam sisa boattebætte, de čivga čadnujuvvum doi gavdnabætte, man ald i oftage olmuš čokkam læk; čoavdde dam, ja bufte dam dek.
3 Ja jos guttege dodnuidi cælkka: manditti dakkabætte doi dam? de cælkke: hærra dam darbaš; de dallan son dam bigja dek.
4 Mutto soi manaiga, ja čivga čadnasist gavnaiga uvsa gurast olggobæld, luodai raŧkodaǥast, ja soi čoavddegođiga dam.
5 Ja muttomak sist, guđek dast čuoǯǯomen legje, sodnuidi celkke: maid dakkabætte, go čivga doi čoavddebætte?
6 Mutto soi sigjidi celkiga, nuftgo Jesus goč-
