39 Mutto oaivveolmai, gutte su buotta čuoǯǯomen læi, ja oini su daggar čuorvvomen vuoiŋas addemen, celki: duođai, dat olmuš Ibmel bardne læi.
40 Mutto maida nissonak legje, guđek gukken gæččamen legje: gæi gaskast Maria Magdalena læi, ja Maria, nuorab Jakobus ja Jose ædne, ja Salome,
41 gæk maida su čuovvom ja su balvvalam legje, go Galilæast læi; ja ædnag ærrasak, guđek su farost Jerusalami bajasmannam legje.
42 Ja go dal ækkeduvvam læi, — dastgo rakadusa bæivve læi, mi auddasabbat læ, —
43 de Joseph Arimatheast bođi, gudnalaš laǥaolmai, gutte maida Ibmel valddegodde vurdi, son roakadi Pilatus lusa sisa mannat, ja Jesus rubmas anoi.
44 Mutto Pilatus ovduši go jabmam jo læi;
45 ja oaivveolbma son ravkai, ja sust jærai, jogo aiggai jo jabmem læi; ja go oaivveolbmast dam oaǯoi diettet, de addi son Josephi rubmaš.
46 Ja fines line son osti, ja valdi su vuolas, ja fines line sisa su giesai, ja havddai su bijai, mi bavte sisa roggujuvvum læi, ja gæđge havde uvsa raige ouddi fierralatti.
47 Mutto Maria Magdalena, ja Maria, Jose ædne, oiniga, gosa son bigjujuvui.
16. Kapittal.
1 Ja go sabbat vassam læi, de osste Maria Magdalena, ja Maria Jakobus ædne ja Salome njalgga hagja urtasid vuolggam ditti su vuoiddet.
