24 Dastgo digjidi cælkam, ollo prophetak ja gonagasak oainestuvvamen legje, maid di oaidnebættet, ja æi oaidnam, ja gulastuvvamen legje, maid di gullabættet, ja æi gullam.
25 Ja gæč, muttom lakoappavaš čuoǯǯeli, ja gæččali su, ja celki: oapatægje! maid galgam dakkat, vai aǥalaš ællem mon arbim?
26 Mutto son celki sunji: mi læ čallujuvvum laǥast? moft loǥak?
27 Mutto son vastedi, ja celki: rakisen adnet galgak hærrad Ibmelad obba du vaimostad, ja obba du sielostad, ja obba du famostad, ja obba du mielastad, ja guoibmad nuftgo ješječčad.
28 Mutto son celki sunji: rieftoi galle vastedik; daǥa dam, de oaǯok ællet.
29 Mutto son ječas vanhurskesen viggai dakkat, ja celki Jesusi: gi læ dalle muo guoibme?
30 Mutto Jesus vastedi, ja celki: muttom olmuš vuolas manai Jerusalamest Jerikoi, ja rievvari gasski šaddai; guđek sikke nulle su, ja cabme su, ja vulgge erit, ja guđđe su belutakki jabmam.
31 Dappatusa boft de muttom pap damanaǥa gæino mield vuolas manai, ja go oini su, de manai son su mæddel.
32 Nuft maida muttom levitalaš, go guovdo bođi, de manai dokko, ja oini su, ja manai mæddel.
33 Mutto muttom samaritanalaš maŧkašæmen læi, ja bođi su guovdo, ja go oini su, de njuorrani son vaimostes.
34 Ja son manai su lusa, čanai su havid, ja oljo ja vine leiki dai sisa, bajedi su su ječas spiri
