muo duobmaren daihe juoǥadægjen din bagjel?
15 Ja son sigjidi celki: varotækket ja gattijækket ječaidædek hanesvuođast; dastgo i guđege ællem su daverides duokken oro, daggo boft atte valljevuot sust læ.
16 Mutto værdadusa son sigjidi sarnoi, ja celki: rigges olmuš læi, gæn ædnam ollo šaddoid addam læi.
17 Ja vaimostes son dal arvvališgođi, ja celki: maid daǥam mon? dastgo must sagje i læk, gosa muo šaddoid čokkit.
18 Ja son celki: dam mon daǥam: aitidam mon gaikom, ja stuorrab daǥam, ja de dai sisa mon čokim buok muo šaddoidam ja muo æloidam.
19 Ja siellosam mon cælkam: siello! dust ollo šiega varre læ ædnag jaǥidi, vuoiŋad dal, bora, juǥa, læǥe ilost!
20 Mutto Ibmel sunji celki: don jallag! odna ija si ravkkamen læk du sielo dust; mutto gi dalle oaǯǯo, maid don læk rakadam!
21 Nuft sunji gævva, gutte daverid aldsis čokkijægje læ, ja Ibmel sist i læk rigges.
22 Mutto mattajegjidassis son celki: de damditti mon cælkam digjidi: allet morrašest læǥe hæggadek ditti, maid di galggabættet borrat: æppetge rubmaš ditti, maid di biftasen galggabættet adnet.
23 Hæg æmbo læ go borramuš, ja rumaš go biftasak.
24 Gæčadækket garranasaid, æi si læk gilvvek, æige lagjijægjek, sist kællarak æi læk, æige aitek,
