staihaǥo ja olbmugoddem ditti giddagassi bigjujuvvum læi; mutto Jesus addi son dokko sin datosek vuollai.
26 Ja go si dolvvu su erit, de si doppijegje muttom Simon Syrenest, gutte mæcest bođi, ja ruosa si su ala bigje dam Jesus maŋest guoddet.
27 Mutto stuorra ædnagvuotta olbmuin ja nissonin čuovoi su, gutte su sikke arkalmasti ja čieroi.
28 Mutto Jesus ječas jorggali sin bællai, ja celki: allet muo čiero, di Jerusalem nieidak! mutto čierrot ješječaidædek, ja din manaidædek.
29 Dastgo gæč, bæivek bottek, go olmuš cælkkegoatta: audogasak šaddotæmek læk, ja hæggak, mak æi rieǥadattam, ja njiǯak, mak æi njamatam.
30 De si cælkkegottek varidi: gaččat min bagjel! ja divaidi: čiekkat min!
31 Dastgo jos si ruonas murri nuft dakkek, mi dakkujuvvu dalle asstam murri?
32 Mutto guoft ærra værredakkek maida oftanaǥa suin dolvvujuvuiga, hæggatuttujuvvut.
33 Ja go si boattam legje baikkai, mi oaivvegallobaikken goččujuvvu, de si russinavlijegje su dasa, ja værredakkid, nubbe olgiš, nubbe guoro giettabællai.
34 Mutto Jesus celki: ačačam, adde sigjidi andagassi! dastgo æi si dieđe, maid si dakkek. Mutto si juoǥadegje su biftasid ja daid vuorbbadalle.
35 Ja olbmuk čuǯǯu ja gæčadegje. Mutto
