7. Kapittal.
1 Ja dastmaŋŋel de Jesus Galilæa sist birra vagjoli; dastgo Judæa sist i son aiggom vagjolet, go Judalaǯak bivdost legje su goddet.
2 Mutto Judalaǯai basek, lasstagođi basek, lakka legje.
3 De celkke su veljak sunji: vuolge dast erit, ja mana Judæai, vai maida dast du mattajægjidad oǯǯuk oaidnet du daǥoid, maid don daǥak.
4 Dastgo i oftage daǥa maidegen čiekosist, ja ješ aiggo bægotuvvut; jos daggar daǥoid daǥak, de almostatte ječčad mailbmai.
5 Dastgo æige su veljak su ala osskom.
6 De celki Jesus sigjidi: muo aigge i læk vela joavddam; mutto din aigge læ alelessi.
7 Mailbme i mate din vaššotet; mutto dat vaššot muo, dastgo su birra mon duođaštam, atte su daǥok bahha læk.
8 Mannat di bajas daid basidi; im mon vuost bajasmana daid basidi, dastgo muo aigge i læk vela dievvam.
9 Mutto go dam læi sigjidi cælkkam, de baci son Galilæai.
10 Mutto go su veljak bajasmannam legje, de bajasmanai maida son ješ basidi, i almosist, mutto nuftgo čiekosist.
11 De occe Judalaǯak su basin, ja celkke: gost læ son?
12 Ja stuorra nimmuræbme læi su birra olbmui gaskast: muttomak celkke: buorre son læ; mutto ærrasak celkke: olbmuid fillijægje son læ.
