31 Mutto dat čallujuvvum læ, vai di osskobættet, atte Jesus læ Kristus, Ibmel bardne, ja vai di, guđek osskobættet, aǥalaš ællem adnebættet su nabmi.
21. Kapittal.
1 Dastmaŋŋel almostatti ječas Jesus fastain mattajegjidassis Tiberias javre gaddest; mutto nuft son ječas almostatti.
2 Simon Petrus, ja Thomas, — mi jubmičen arvedatta, — ja Nathanael Kanast Galilæast, ja Sebedæus barnek, ja guoft ærra su mattajegjin čoakest legje.
3 Simon Petrus sigjidi cælkka: vuolgam oaggot. Si celkkek sunji: mi maida vuolggep dunji guoibmen. Si vulgge, ja skipa sisa dallanaǥa manne, ja dam ija æi si fidnim maidege.
4 Mutto go iđđed šaddam læi, de čuoǯoi Jesus gaddest; mutto mattajægjek æi diettam, atte Jesus dat læi.
5 Jesus sigjidi cælkka: manačidam, lægo dist mikkege borramuššan? si vastedegje sunji: i læk.
6 Mutto son sigjidi celki: suppijekket fierme skip olgiš bællai, de di gavdnabættet. De si suppijegje, ja æi si vægjam dam šat æmbo gæsset guli ædnagvuođa ditti.
7 De cælkka dat mattajægje, gæn Jesus rakisen ani, Petrusi: hærra dat læ. Go Simon Petrus gulai hærra dat læi, de boakkanasti son gavte birras, — dastgo alas læi, — ja javrrai ječas luiti.
8 Mutto dak ærra mattajægjek skipain botte, —
