13 Dastgo guđek šiega balvvalægjek læk særvvegodde sist, buorre gæino aldsesek dakkek, ja stuorra roakkadvuođa aldsesek si fidnijek osko sist Kristus Jesus ala.
14 Daid ravvagid dunji čalam, josjoge doaivom forgarak du lusa boattet;
15 mutto jos agjanam, vai dalle dieđak, moft vagjolet Ibmel dalo sist, mi læ ælle Ibmel særvvegodde. Duotvuođa doarjaǥak ja vuođđo,
16 ja, nuftgo juokkaš dovdastet færtte, stuores læ dam ibmelballolašvuođa čieǥosvuotta: Ibmel almostuvvum læ oaǯe sist, vanhurskesengudniettujuvvum vuoiŋa sist, oidnujuvvum engelin, bakkeni gasski sarneduvvum, osskujuvvum mailme sist, hævasvutti bajasvalddujuvvum.
4. Kapittal.
1 Mutto vuoiŋ cælkka čielggaset, atte maŋemuš aigin de muttomak oskost erit jorralæmen læk, ja bættolaš vuoiŋaid ja bærgalaǥai oapoid čuovvomen læk,
2 sin guoftelašvuođa boft, guđek giellasid sardnuk, balddujuvvum sin oamedovdosek sist,
3 guđek gilddek naittalæmest ja borramušain, maid Ibmel sivnedam læ gittolusain vuosstaivalddujuvvut sist, guđek osskuk ja duotvuođa dovddam læk.
4 Dastgo buok Ibmel sivnadussa buorre læ, ja i mikkege læk hilggot, mi gittolusain vuosstavalddujuvvu;
5 dastgo Ibmel sane ja rokkus boft dat basotuvvu.
