17 Dastgo Ibmel sin vaibmoi addam læ su miela mield dakkat, ja oft miela adnet, ja spiri valddegoddesek addet, dassači go Ibmel sadne ollašuvvu.
18 Ja nisson, gæn oidnik, dat stuorra gavpug læ, mast hærravuotta læ ædnam gonagasai bagjel.
18. Kapittal.
1 Ja dastmaŋŋel engel almest oidnim boattemen, gæst stuorra fabmo læi; ja ædnam čuvggijuvui su hærvasvuođast.
2 Ja væǥain son čuorvoi, alla jenain, ja celki: gaččam læ, gaččam læ, Babylon, dat stuores, ja šaddam læ bærgalaǥa orromsagjen ja giddagassan buok nuoskes vuoiŋaidi, ja giddagassan buok buttesmættom ja fastašuvvum loddidi.
3 Dastgo su fuorravuođa mirkkujuvvum vinest buok olbmuslajak jukkam læk, ja ædnam gonagasak dakkam læk furudaǥaid suin, ja ædnam gavppeolbmak riggasen læk šaddam su goargovuođa dievasvuođast.
4 Ja nubbe suobman almest gullim, mi celki: vuolgget su lut erit, di muo olbmučidam! amadek særvolaǯǯan digis šaddat su suddoidi, ja amadek su givsin di dæivaduvvut.
5 Dastgo su suddok gidda alme ragjai ollek, ja Ibmel muittam læ su ibmelmættomvuođaid.
6 Mafsat su, nuftgo songis maida din mafsam læ, ja addet sunji ruoftot guoftgærdasaǯǯat su daǥoi mield; leikkijækket guoft dam made su littai, maid son læ leikkim.
