This page has not been proofread.
YM USTERZUNTAOG YM ÖWYT
KUMA DY BÜWA CYZOMA
IDER HÖT A ŚMIERGÜŚNIK OCUG MYT
DER HARMONIST EJ SIUN GYKUMA
DY ŚMIERGÜŚNIKA GEJN
FUR HYT CY HYT CY OŁA MAKIA
DÜT KRIGIA ZY PŁOC AN WAJN
NY ANER WYT ZICH FU DAOM FRAJYN
ZY GEJN CYN MAKIA DY GAONCY NAOCHT
DY MAKIA HIÖRA SIUN UF DOS
ZY ŚPEJŁA AN ZY ŚRAJN FUR GAONCA MAOCHT
DY MAKIA ZAJN FUM BYGISA GAONC NOSS
DY ŚMIERGÜŚNIKA MÜSA WYSA AN DENKIA
DO ZY KA HYT WU MAKIA ZAJN NY AOJSŁÖEN
ZY WIYN MYT DAOM DY MAKIA BYŁAJDIKIA
S EJ YN ŚMIERGÜŚNIKA NY FEJŁ CY GŁÖEN
MYT MÜZIK AN MYT AM GRUSA KEKIA
GEJN ZY UFA ŚTRÖSA
ANA BYGISA DY MAKIA
DY AONDYN WEŁA DY MAKIA PÖSSA
A GAONCA USTERMÖNTAOG
CIN DY ŚMIERGÜŚNIKA HEJN AN HAOR
UFUM RYNK MAOCHA ZY A ŚPEKTAOKL
ANA FŁIGIA RYM, DY ŚWAOCHA ZYCA YM KRACIUM
