ꦱ꧀ꦠꦤꦶꦧꦶꦭꦶꦃꦗꦸꦫꦸꦥꦺꦴꦠꦁꦥꦩꦼꦉꦱ꧀ꦥꦸꦤꦶꦏꦔꦿꦶꦱꦏ꧀ꦏꦏꦼꦤ꧀ꦏꦠꦼꦤ꧀ꦠꦽꦩ꧀ꦩꦤ꧀ꦤꦶꦁꦠꦶꦪꦁ꧈ꦠꦸꦮꦶꦤ꧀ꦢꦢꦺꦴꦱ꧀ꦲꦩꦤ꧀ꦤꦶꦁꦔꦒꦼꦱꦁ꧈ꦥꦸꦤꦥꦢꦺꦤꦺꦢꦢꦺꦴꦱ꧀ꦥꦥꦭꦁꦔꦶꦁꦏꦩꦗꦼꦁꦔꦤ꧀ꦤꦶꦥꦸꦤ꧀ꦥꦔꦸꦥꦗꦶꦮꦒꦺꦴꦭꦺꦴꦁꦔꦤ꧀ꦫꦶꦁꦏꦶꦃ꧉
꧋ꦩꦶꦭꦥꦿꦪꦺꦴꦒꦶꦱꦔꦼꦠ꧀ꦧꦶꦭꦶꦃꦥꦩꦫꦺꦤ꧀ꦠꦃꦠꦸꦮꦶꦤ꧀ꦒꦺꦴꦭꦺꦴꦁꦔꦤ꧀ꦥꦂꦠꦶꦏꦼꦭꦶꦂꦱꦱꦉꦁꦔꦤ꧀ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦚꦼꦒꦃꦧꦧ꧀ꦠꦶꦤ꧀ꦢꦏ꧀ꦮꦲꦸ꧉ꦥꦚꦼꦒꦃꦲꦶꦁꦏꦁꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦢꦺꦤꦶꦁꦥꦩꦫꦺꦤ꧀ꦠꦃ꧈ꦲꦶꦁꦒꦶꦃꦥꦸꦤꦶꦏ Woekerordonnantie (ꦲꦸꦤ꧀ꦝꦁꦲꦸꦤ꧀ꦝꦁꦥꦚꦼꦒꦃꦥꦺꦴꦠꦁꦩꦼꦉꦱ꧀)ꦲꦶꦁꦏꦁꦏꦭꦶꦩꦿꦃꦲꦏꦼꦤ꧀ꦏꦮꦿꦠ꧀ꦲꦶꦁꦱꦼꦠꦠ꧀ꦱꦼꦧ꧀ꦭꦢ꧀ꦠꦲꦸꦤ꧀ 1916 No. 643꧈ ꦲꦸꦤ꧀ꦝꦁꦲꦸꦤ꧀ꦝꦁꦮꦲꦸꦠꦸꦩꦿꦥ꧀ꦥꦶꦁꦱꦮꦂꦤꦶꦤꦶꦁꦧꦁꦱ꧈ꦢꦢꦺꦴꦱ꧀ꦠꦸꦩꦿꦥ꧀ꦥꦿꦶꦧꦸꦩꦶꦲꦸꦒꦶꦏꦊꦧꦼꦠ꧀ꦲꦶꦁꦔꦿꦶꦏꦸ꧉
꧋ꦠꦸꦩꦿꦥ꧀ꦧꦁꦱꦌꦫꦺꦴꦥꦃꦠꦸꦮꦶꦤ꧀ꦧꦁꦱꦲꦶꦁꦏꦁꦏꦱꦩꦺꦏ꧀ꦲꦏꦼꦤ꧀꧈ꦲꦸꦤ꧀ꦝꦁꦲꦸꦤ꧀ꦝꦁꦔꦶꦥꦸꦤ꧀ꦲꦶꦁꦧꦧ꧀ꦮꦲꦸꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀꧈ꦲꦶꦁꦒꦶꦃꦥꦸꦤꦶꦏꦧꦧ꧀ 23 ꦲꦶꦁ Algemeene bepalingen van wetgeving voor Nederlandsch Indie꧈ ꦲꦶꦁꦔꦿꦶꦏꦸꦩꦿꦠꦺꦭꦏ꧀ꦏꦏꦼꦤ꧀꧇ꦠꦠꦠꦸꦮꦶꦤ꧀ꦥꦿꦗꦚ꧀ꦗꦶꦪꦤ꧀ꦥꦸꦤꦥꦏꦺꦩꦮꦺꦴꦤ꧀꧈ꦧꦺꦴꦠꦼꦤ꧀ꦧꦝꦺꦠꦸꦩꦶꦤ꧀ꦢꦏ꧀꧈ꦧꦶꦭꦶꦃꦚꦸꦭꦪꦤꦶꦱꦸꦫꦲꦺꦴꦱ꧀ꦱꦶꦁꦲꦸꦤ꧀ꦝꦁꦲꦸꦤ꧀ꦝꦁꦲꦶꦁꦏꦁꦒꦒꦪꦸꦠ꧀ꦠꦤ꧀ꦏꦭꦶꦪꦤ꧀ꦠꦠꦕꦫꦭꦶꦩꦿꦃꦠꦸꦮꦶꦤ꧀ꦏꦱꦸꦱꦶꦭꦤ꧀꧉
꧋ꦲꦶꦁꦧꦧ꧀ 1320꧈ 1335 ꦠꦸꦮꦶꦤ꧀ 1337 Burgerlijk Wetboek ꦩꦿꦠꦺꦭꦏ꧀ꦏꦏꦼꦤ꧀꧈ꦧꦶꦭꦶꦃꦥꦿꦗꦚ꧀ꦗꦶꦪꦤ꧀ꦲꦶꦁꦏꦁꦧꦺꦴꦠꦼꦤ꧀ꦏꦭꦭ꧀꧈ꦧꦺꦴꦠꦼꦤ꧀ꦲꦁꦒꦝꦃꦲꦶꦏꦶꦏꦶꦪꦠ꧀ꦠꦤ꧀꧈
꧋ꦥꦿꦗꦚ꧀ꦗꦶꦪꦤ꧀ꦲꦶꦁꦏꦁꦩꦼꦁꦏꦸꦱꦸꦫꦲꦺꦴꦱ꧀ꦧꦧ꧀ꦥꦩꦼꦤ꧀ꦝꦼꦠ꧀ꦠꦶꦁꦱꦉꦩ꧀ꦩꦤ꧀ꦭꦁꦏꦸꦁꦱꦏꦶꦁꦩꦼꦱ꧀ꦛꦶ꧈ꦥꦸꦤꦶꦏꦥꦔꦢꦶꦭ꧀ꦭꦤ꧀ꦲꦔꦁꦒꦼꦥ꧀ꦤꦼꦫꦏ꧀ꦲꦶꦁꦏꦱꦸꦱꦶꦭꦤ꧀꧈ꦢꦢꦺꦴꦱ꧀ꦧꦺꦴꦠꦼꦤ꧀ꦒꦝꦃꦏꦶꦏꦶꦪꦠ꧀ꦠꦤ꧀꧉ꦏꦢꦺꦴꦱ꧀ꦲꦶꦁꦏꦁꦏꦥꦿꦠꦺꦭꦏ꧀ꦏꦏꦼꦤ꧀ꦲꦶꦁꦔꦶꦁꦒꦶꦭ꧀꧈ꦧꦶꦭꦶꦃ Woekerordonnantie ꦥꦸꦤꦶꦏꦠꦸꦩꦿꦥ꧀ꦱꦮꦂꦤꦶꦤꦶꦁꦧꦁꦱ꧈ꦢꦢꦺꦴꦱ꧀ꦲꦶꦁꦒꦶꦃꦏꦊꦧꦼꦠ꧀ꦢꦭꦃꦥꦿꦶꦧꦸꦩꦶ꧉
꧋ꦲꦶꦁꦔꦿꦶꦏꦶꦥꦿꦪꦺꦴꦒꦶꦤꦼꦫꦁꦔꦏꦼꦤ꧀ꦱꦸꦫꦲꦺꦴꦱ꧀ꦱꦶꦁꦲꦸꦤ꧀ꦝꦁꦲꦸꦤ꧀ꦝꦁꦮꦲꦸꦱꦮꦠꦮꦶꦱ꧀꧈ꦏꦢꦺꦴꦱ꧀ꦲꦶꦁꦔꦤ꧀ꦝꦥ꧀ꦥꦸꦤꦶꦏ꧇
꧋ꦩꦤꦮꦲꦶꦁꦱꦭꦃꦱꦮꦶꦗꦶꦤꦶꦁꦭꦪꦁꦥꦿꦗꦚ꧀ꦗꦶꦪꦤ꧀꧈ꦩꦁꦏꦱꦭꦃꦱꦮꦶꦗꦶꦤꦺꦮꦺꦴꦔꦺ꧈ꦒꦺꦴꦭꦺꦏ꧀ꦏꦲꦺꦴꦤ꧀ꦠꦸꦁꦔꦤ꧀ꦏꦁꦒꦺꦴꦲꦮꦏ꧀ꦏꦺꦝꦺꦮꦺꦲꦸꦠꦮꦏꦁꦒꦺꦴꦮꦺꦴꦁꦭꦶꦪ꧈ꦱꦫꦤꦔꦁꦒꦺꦴꦩꦶꦒꦸꦤꦏ꧀ꦲꦏꦺꦏꦸꦫꦁꦢꦼꦉꦁꦔꦺꦒꦺꦴꦭꦺꦴꦁꦔꦤ꧀ꦭꦶꦪ꧈ꦪꦲꦶꦏꦸꦏꦸꦫꦤ꧀ꦁꦢꦼꦉꦁꦗꦭꦂꦫꦤ꧀ꦱꦏꦏꦸꦫꦁꦥꦤꦶꦩ꧀ꦧꦁꦔꦺ꧈(ꦱꦏꦲꦺꦴꦫꦥꦿꦢꦸꦭꦺꦤ꧀)ꦲꦸꦠꦮꦱꦏꦏꦸꦫꦁꦏꦮꦿꦸꦃ꧈ꦲꦸꦠꦮꦩꦤꦺꦃꦤꦸꦗꦸꦱꦗꦿꦺꦴꦤꦺꦱꦸꦱꦃ꧈ꦲꦶꦁꦩꦁꦏꦏꦲꦺꦴꦤ꧀ꦠꦸꦁꦔꦤ꧀ꦤꦺꦩꦲꦸꦱꦩ꧀ꦧꦸꦁꦔꦤ꧀ꦏꦲꦺꦴꦏꦲꦤꦤ꧀꧈ꦔ꧀ꦭꦸꦮꦶꦃꦔ꧀ꦭꦸꦮꦶꦃꦲꦶ꧈(ꦪꦲꦶꦏꦸꦔ꧀ꦭꦶꦮꦠ꧀ꦠꦶꦱꦏꦩꦼꦱ꧀ꦛꦶꦤꦺ)ꦲꦸꦥꦩꦢꦶꦥꦤ꧀ꦝꦶꦁꦏꦫꦺꦴꦏꦸꦮꦗꦶꦧꦤ꧀ꦤꦺꦱꦶꦁꦏꦢꦢꦺꦪꦤ꧀ꦱꦧꦧ꧀ꦱꦏꦥꦿꦗꦚ꧀ꦗꦶꦪꦤ꧀ꦩꦲꦸ꧉ꦏꦁꦩꦁꦏꦺꦴꦤꦺꦴꦲꦶꦏꦸ꧈ꦥꦔꦢꦶꦭ꧀ꦭꦤ꧀ꦏꦼꦤꦲꦁꦒꦮꦺꦠꦶꦩ꧀ꦧꦁꦔꦺꦏꦁꦒꦮꦺꦏꦫꦸꦒꦶꦪꦤ꧀ꦩꦲꦸ꧈ꦱꦩꦺꦴꦤꦺꦴꦩꦲꦸꦪꦺꦤ꧀ꦱꦏꦥꦚ꧀ꦗꦭꦸꦏ꧀ꦏꦺꦱꦶꦁꦢꦶꦥꦶꦠꦸꦤꦏ꧀ꦲꦏꦺ꧈ꦲꦸꦠꦮꦧꦶꦱꦲꦔꦺꦧꦿꦏ꧀ꦏꦏꦺꦥꦿꦗꦚ꧀ꦗꦶꦪꦤ꧀ꦩꦲꦸꦧꦧꦂꦥꦶꦱꦤ꧀꧉ꦱꦗꦿꦺꦴꦤꦺꦲꦤ꧀ꦝꦮꦸꦃꦲꦏꦺꦏꦫꦩ꧀ꦥꦸꦁꦔꦤ꧀꧈ꦥꦔꦢꦶꦭ꧀ꦭꦤ꧀ꦏꦸꦢꦸꦔꦤꦏ꧀ꦲꦏꦺꦥꦿꦤꦠꦤ꧀ꦏꦁꦏꦪꦩꦁꦏꦺꦴꦤꦺꦴ꧈ꦏꦁꦔꦤ꧀ꦠꦶꦒꦺꦴꦭꦺꦴꦁꦔꦤ꧀ꦏꦫꦺꦴꦥꦶꦱꦤ꧀ꦩꦲꦸꦱꦧꦶꦱꦧꦶꦱꦥꦸꦭꦶꦃꦏꦪꦱꦢꦸꦫꦸꦁꦔꦺꦥꦿꦗꦚ꧀ꦗꦶꦪꦤ꧀ꦩꦲꦸꦢꦶꦒꦮꦺ꧉
꧋ꦏꦠꦿꦁꦔꦤ꧀ꦭꦤ꧀ꦱꦏ꧀ꦱꦶꦲꦥꦧꦲꦺꦢꦶꦥꦉꦁꦔꦏꦺ꧉
꧋Woekerordonnantie ꦥꦸꦤꦶꦏꦏꦊꦧꦼꦠ꧀ꦝꦠꦼꦁꦥꦿꦏꦮꦶꦱ꧀ꦱꦶꦥꦶꦭ꧀꧈ꦱꦒꦼꦢ꧀ꦠꦸꦩꦶꦤ꧀ꦢꦏ꧀ꦏꦁꦒꦺꦱꦮꦂꦤꦶꦤꦶꦁꦥꦿꦗꦁꦗꦶꦪꦤ꧀꧉ꦢꦢꦺꦴꦱ꧀ꦲꦶꦁꦏꦁꦏꦊꦧꦼꦠ꧀ꦲꦶꦁꦲꦸꦤ꧀ꦝꦁꦮꦲꦸꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦥꦿꦏꦮꦶꦱ꧀ꦚꦩ꧀ꦧꦸꦠ꧀ꦲꦂꦠꦏꦺꦩꦮꦺꦴꦤ꧀꧈ꦲꦸꦒꦶꦠꦸꦩꦿꦥ꧀ꦥꦿꦏꦮꦶꦱ꧀ꦱꦢꦺꦱꦺꦤ꧀ꦝꦺ꧈ꦒꦝꦺꦠꦸꦮꦶꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧈ꦧꦶꦭꦶꦃꦱꦢꦪꦮꦲꦸꦏꦠꦶꦤ꧀ꦢ
