ꦕꦫꦶꦪꦺꦴꦱ꧀ꦮꦶꦒꦠꦺꦴꦱ꧀
꧋ꦥꦢꦸꦏꦲꦶꦁꦏꦁꦩꦶꦤꦸꦭꦾꦠꦸꦮꦤ꧀ Dr.A.A.L.Rutgers꧉ꦓꦸꦥꦼꦂꦤꦸꦂꦯꦸꦫꦶꦤꦩꦼ꧉
꧋ꦥꦢꦸꦏꦲꦶꦁꦏꦁꦩꦶꦤꦸꦭꦾꦠꦸꦮꦤ꧀ Dr.A.A.L.Rutgers ꦝꦶꦫꦺꦏ꧀ꦠꦸꦂꦝꦺꦥꦂꦠꦼꦩꦺꦤ꧀ꦠꦠꦤꦺꦤ꧀ꦲꦶꦁꦨꦺꦴꦒꦺꦴꦂ꧈ꦏꦮꦶꦱꦸꦝꦗꦸꦩꦼꦤꦼꦁꦓꦸꦥꦼꦂꦤꦸꦂꦯꦸꦫꦶꦤꦩꦺ꧈ꦲꦶꦁꦒꦶꦃꦥꦸꦤꦶꦏꦗꦗꦃꦲꦤ꧀ꦤꦒꦫꦶꦮꦭꦤ꧀ꦢꦶꦲꦶꦁꦄꦩꦺꦫꦶꦏꦃ꧈ꦲꦸꦒꦶꦲꦶꦁꦏꦁꦏꦫꦤ꧀ꦲꦶꦤ꧀ꦝꦶꦪꦏꦶꦭꦺꦤ꧀꧉
꧋ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦮꦲꦸꦱꦮꦼꦤꦺꦃꦲꦶꦁꦥꦿꦪꦒꦸꦁꦲꦶꦁꦏꦁꦲꦃꦭꦶꦝꦠꦼꦁꦧꦧ꧀ꦠꦠꦤꦺꦤ꧀꧉ꦲꦶꦁꦱꦢꦺꦫꦺꦁꦔꦶꦥꦸꦤ꧀ꦏꦮꦶꦱꦸꦝꦗꦸꦩꦼꦤꦼꦁꦝꦶꦫꦺꦏ꧀ꦠꦸꦂꦝꦺꦥꦂꦠꦼꦩꦺꦤ꧀꧈ꦏꦭꦲꦶꦁꦠꦲꦸꦤ꧀1923꧈ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦮꦲꦸꦗꦸꦩꦼꦤꦼꦁꦝꦶꦫꦺꦏ꧀ꦠꦸꦂ Avros ꦲꦶꦁꦩꦺꦝꦤ꧀꧉ꦢꦺꦤꦺꦏꦥꦉꦁꦔꦶꦥꦸꦤ꧀ꦥꦩꦫꦺꦤ꧀ꦠꦃꦩꦶꦱꦸꦝꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦗꦸꦩꦼꦤꦼꦁꦓꦸꦥꦼꦂꦤꦸꦂꦥꦸꦤꦶꦏ꧈ꦲꦩꦼꦁꦏꦸꦏꦂꦱꦩꦸꦫꦶꦃꦱꦒꦼꦢ꧀ꦔꦗꦼꦁꦔꦏꦼꦤ꧀ꦲꦶꦁꦧꦧ꧀ꦲꦺꦏꦺꦴꦤꦺꦴꦩꦶꦲꦶꦁꦗꦗꦃꦲꦤ꧀ꦮꦭꦤ꧀ꦢꦶ꧈ꦲꦶꦁꦏꦁꦧꦝꦺꦢꦶꦥꦸꦤ꧀ꦫꦮꦸꦃꦲꦶꦥꦸꦤꦶꦏ꧉
꧋ꦲꦶꦁꦏꦁꦢꦶꦥꦸꦤ꧀ꦒꦼꦤ꧀ꦠꦺꦴꦱ꧀ꦱꦶꦥꦢꦸꦏꦠꦸꦮꦤ꧀ Dr.A.A.L.Rutgers ꦥꦸꦤꦶꦏ꧈ꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦠꦸꦮꦤ꧀ Mr. A.J.A.A. Baron van Heemstra꧈ꦭꦺꦫꦺꦃꦲꦶꦥꦸꦤ꧀ꦱꦏꦶꦁꦥꦁꦏꦠ꧀ꦲꦒꦸꦁꦮꦲꦸꦏꦭꦪꦤ꧀ꦲꦸꦂꦩꦠ꧀꧈ꦏꦤ꧀ꦛꦶꦥꦺꦤ꧀ꦱꦶꦪꦸꦤ꧀꧈ꦗꦸꦩꦼꦤꦼꦁꦔꦶꦥꦸꦤ꧀ꦓꦸꦥꦼꦂꦤꦸꦂꦮꦺꦴꦤ꧀ꦠꦼꦤ꧀ꦲꦶꦁꦮꦸꦭꦤ꧀ꦩꦺꦲꦆ 1921 ꦠꦸꦮꦶꦤ꧀ꦠꦩ꧀ꦥꦶꦏꦤꦸꦒꦿꦲꦤ꧀ Commandeur in de Oranje Nassau Orde.
꧋ꦥꦫꦩꦲꦺꦴꦱ꧀ꦏꦢꦺꦴꦱ꧀ꦱꦒꦼꦢ꧀ꦲꦩꦁꦒꦭꦶꦃ꧈ꦩꦼꦁꦒꦃꦫꦲꦺꦴꦱ꧀ꦱꦶꦁꦠꦶꦪꦁꦠꦩ꧀ꦥꦶꦏꦤꦸꦒꦿꦃꦲꦤ꧀ꦲꦒꦸꦁ꧈ꦒꦼꦁꦔꦶꦁꦥꦁꦒꦭꦶꦃꦲꦤ꧀ꦤꦶꦥꦸꦤ꧀ꦲꦶꦁꦏꦁꦠꦩ꧀ꦥꦶꦠꦩ꧀ꦠꦸꦲꦶꦁꦒꦶꦃꦲꦒꦼꦁꦱꦔꦼꦠ꧀꧉ꦤꦔꦶꦁꦩꦤꦮꦶꦢꦶꦥꦸꦤ꧀ꦩꦤꦃꦪꦼꦏ꧀ꦠꦺꦴꦱ꧀꧈ꦏꦤꦸꦒꦿꦃꦲꦤ꧀ꦲꦒꦼꦁꦥꦸꦤꦶꦏꦝꦮꦃꦲꦶꦥꦸꦤ꧀ꦠꦩ꧀ꦠꦸꦱꦩ꧀ꦥꦸꦤ꧀ꦧꦺꦴꦠꦼꦤ꧀ꦏꦺꦔꦶꦁꦢꦶꦥꦸꦤ꧀ꦮꦚ꧀ꦕꦺꦤꦶꦩꦭꦶꦃ꧈ꦲꦮꦶꦠ꧀ꦠꦸꦩꦿꦥ꧀ꦲꦶꦁꦏꦁꦏꦝꦮꦃꦲꦤ꧀꧈ꦠꦩ꧀ꦠꦸꦱꦩ꧀ꦥꦸꦤ꧀ꦲꦩꦼꦤ꧀ꦝꦼꦩ꧀ꦭꦭꦧꦼꦠ꧀ꦠꦤ꧀ꦲꦶꦁꦏꦁꦭꦶꦤꦁꦏꦸꦁ꧉ꦩꦏꦠꦼꦤ꧀ꦩꦭꦶꦃꦩꦼꦁꦒꦃꦲꦶꦁꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦠꦸꦮꦤ꧀ Dr.A.A.L.Rutgers꧈ꦭꦭꦧꦼꦠ꧀ꦠꦤ꧀ꦤꦶꦥꦸꦤ꧀ꦤꦩꦢꦢꦺꦴꦱ꧀ꦥꦶꦒꦸꦤꦲꦒꦼꦁ꧈ꦩꦶꦭꦲꦸꦒꦶꦮꦺꦴꦤ꧀ꦠꦼꦤ꧀ꦠꦼꦠꦼꦩ꧀ꦧꦸꦁꦔꦤ꧀ꦤꦶꦥꦸꦤ꧀꧈ꦧꦶꦭꦶꦃꦲꦁꦒꦺꦤ꧀ꦤꦶꦁꦥꦚ꧀ꦗꦼꦤꦼꦁꦔꦤ꧀ꦤꦶꦥꦸꦤ꧀ꦗꦸꦩꦼꦤꦼꦁꦓꦸꦥꦼꦂꦤꦸꦂꦮꦺꦴꦤ꧀ꦠꦼꦤ꧀ꦲꦶꦁꦯꦸꦫꦶꦤꦩꦼꦥꦸꦤꦶꦏ꧈ꦏꦤ꧀ꦛꦶꦩꦼꦁꦏꦸꦏꦏꦗꦼꦁꦔꦤ꧀ꦧꦝꦺꦔꦗꦼꦁꦔꦏꦼꦤ꧀ꦲꦶꦁꦧꦧ꧀꧈ꦌꦏꦺꦴꦤꦺꦴꦩꦶꦲꦶꦁꦔꦿꦶꦏ꧉ꦭꦤ꧀ꦠꦶꦪꦁꦮꦗꦶꦧ꧀ꦲꦔꦺꦔꦼꦠ꧀ꦠꦶ꧈ꦧꦶꦭꦶꦃꦥꦶꦤꦁꦒꦶꦃꦲꦶꦁꦥꦁꦏꦠ꧀ꦲꦒꦼꦁꦥꦸꦤꦶꦏꦱꦏꦶꦁꦥꦁꦏꦠ꧀ꦲꦭꦶꦠ꧀꧉ꦠꦶꦪꦁꦩꦤꦮꦶꦔꦺꦔꦼꦠ꧀ꦠꦶꦩꦏꦠꦼꦤ꧀꧈ꦠꦩ꧀ꦠꦸꦧꦺꦴꦠꦼꦤ꧀ꦏꦱꦩꦂꦫꦤ꧀꧈ꦠꦸꦮꦶꦤ꧀ꦭꦗꦼꦁꦔꦺꦔꦼꦠ꧀ꦠꦶ꧈ꦩꦸꦫꦶꦃꦏꦱꦼꦩ꧀ꦧꦢꦤ꧀ꦤꦶꦁꦱꦼꦢꦾꦥꦸꦤꦶꦏ꧈ꦧꦺꦴꦠꦼꦤ꧀ꦭꦶꦪꦤꦩꦸꦁꦏꦼꦢꦃꦠꦸꦩꦼꦩꦼꦤ꧀ꦠꦸꦩꦶꦤ꧀ꦢꦏ꧀ꦲꦶꦁꦢꦩꦼꦭ꧀꧈
