ꦏꦧꦂꦏꦧꦂꦮꦂꦤꦶꦮꦂꦤꦶ
꧋ꦥꦼꦛꦶꦏꦤ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦱꦤꦺꦤꦼꦱ꧀꧈
꧋ꦲꦶꦤ꧀ꦝꦶꦪ꧉
꧋ꦢꦺꦫꦺꦁꦢꦔꦸꦥꦔꦢꦶꦭꦤ꧀ꦪꦸꦱ꧀ꦠꦶꦱꦶꦶꦱꦶꦲꦶꦁꦨꦠꦮꦶꦩꦼꦤ꧀ꦠꦱ꧀ꦩꦫꦶꦏ꧀ꦱꦥꦿꦏꦮꦶꦱ꧀ꦱꦶꦥꦸꦤ꧀ W.F. Burlage꧈ꦠꦶꦭꦱ꧀ꦱꦺꦏꦽꦠꦫꦶꦱ꧀ꦒꦼꦮꦺꦱ꧀ꦲꦶꦁꦨꦤ꧀ꦝꦸꦁ꧈ꦏꦢꦏ꧀ꦮꦚꦭꦶꦁꦏꦸꦲꦏꦼꦤ꧀ꦲꦂꦠ f 6000꧈ ꦏꦫꦩ꧀ꦥꦸꦔꦤꦶꦥꦸꦤ꧀ꦢꦏ꧀ꦮꦭꦸꦮꦂꦱꦏꦶꦁꦱꦼꦉꦒꦤ꧀꧉ꦏꦮꦂꦠꦺꦴꦱꦏꦼꦤ꧀꧈ꦧꦶꦭꦶꦃꦥꦺꦭ꧀ꦥꦸꦭꦶꦱꦶꦲꦶꦁꦨꦽꦧꦼꦱ꧀ꦩꦼꦤ꧀ꦠꦱ꧀ꦚꦼꦥꦼꦁꦱꦚ꧀ꦗꦠꦥꦼꦠꦼꦁꦕꦕꦃ꧇꧒꧐꧇ꦲꦶꦗꦶ꧈ꦲꦶꦁꦏꦁꦒꦝꦃꦱꦚ꧀ꦗꦠꦮꦲꦸꦏꦱꦼꦉꦒ꧀ꦲꦶꦁꦥꦿꦏꦮꦶꦱ꧀꧉ꦧꦧ꧀ꦧꦝꦼꦭꦁꦏꦸꦁꦏꦛꦲꦶꦥꦸꦤ꧀ꦭꦶꦢ꧀ꦥꦿꦶꦧꦸꦩꦶꦲꦶꦁꦥꦺꦴꦊꦏ꧀ꦱꦼꦫꦢ꧀꧈ꦱꦥꦸꦤꦶꦏꦮꦺꦴꦤ꧀ꦠꦼꦤ꧀ꦱꦠꦸꦁꦒꦭꦶꦁꦏꦺꦴꦩꦶꦠꦼꦲꦶꦁꦏꦁꦢꦶꦥꦸꦤ꧀ꦲꦮꦏ꧀ꦲꦮꦏꦶꦢꦼꦤꦶꦁꦠꦸꦮꦤ꧀ꦡꦩꦿꦶꦤ꧀ꦢꦢꦺꦴꦱ꧀ꦥꦔꦂꦱ꧉ꦱꦼꦢꦾꦤꦶꦁꦏꦸꦩꦶꦠꦼꦮꦲꦸꦧꦝꦼꦢꦩꦼꦭ꧀ꦲꦸꦠꦸꦱꦤ꧀ꦝꦠꦼꦁꦤꦒꦫꦶꦮꦭꦤ꧀ꦢꦶ꧈ꦩꦶꦤꦁꦏꦮꦮꦏꦶꦭꦶꦁꦱꦏꦛꦲꦶꦁꦥꦏꦼꦩ꧀ꦥꦭꦤ꧀ꦲꦶꦁꦆꦤ꧀ꦝꦶꦪ꧈ꦲꦶꦁꦏꦁꦩꦼꦁꦏꦸꦏꦗꦼꦁꦱꦸꦥꦢꦺꦴꦱ꧀ꦲꦸꦱꦸꦭ꧀ꦲꦶꦁꦧꦧ꧀ꦭꦁꦏꦸꦁꦏꦛꦲꦶꦥꦸꦤ꧀ꦭꦶꦢ꧀ꦥꦿꦶꦧꦸꦩꦶꦲꦶꦁꦥꦺꦴꦊꦏ꧀ꦱꦼꦫꦢ꧀꧈ꦢꦶꦥꦸꦤ꧀ꦕꦺꦴꦤ꧀ꦝꦺꦴꦔꦶꦲꦶꦁ 1e ꦠꦸꦮꦶꦤ꧀ 2e ꦏꦩꦼꦂ꧉
꧋ꦱꦮꦠꦮꦶꦱ꧀ꦢꦶꦤ꧀ꦠꦼꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦥꦼꦁꦏꦼꦂ꧈ꦄꦤ꧀ꦝꦼꦊꦱ꧀ꦧꦁꦲꦶꦁꦯꦸꦫꦧꦪꦩꦼꦤ꧀ꦠꦱ꧀ꦔꦶꦤ꧀ꦠꦸꦤꦏꦼꦤ꧀ꦲꦂꦠꦝꦠꦼꦁꦥꦧꦿꦶꦏ꧀ꦒꦼꦤ꧀ꦝꦶꦱ꧀ꦭ꧀ꦭꦼꦱ꧀ꦭꦫꦶ꧈ꦑꦼꦂꦠꦱꦤ꧈ꦏꦛꦲꦶꦥꦸ꧉ꦧꦝꦼ f 20. 000꧈ꦧꦝꦺꦏꦁꦒꦼꦥꦽꦱꦺꦤ꧀ꦠꦲꦸꦤꦤ꧀꧉ꦲꦂꦠꦮꦲꦸꦱꦩ꧀ꦥꦸꦤ꧀ꦱꦸꦩꦶꦩ꧀ꦥꦼꦤ꧀ꦲꦶꦁꦥꦼꦛꦶꦱꦊꦧꦼꦠꦶꦁꦏꦤ꧀ꦠꦺꦴꦂ꧈ꦮꦸꦱꦤꦲꦶꦕꦭ꧀꧉ꦧꦧ꧀ꦥꦸꦤꦶꦏꦢꦶꦥꦸꦤ꧀ꦠꦶꦠꦶꦥꦿꦶꦏ꧀ꦱꦲꦶꦁꦪꦸꦱ꧀ꦠꦶꦱꦶ꧉
꧋ꦥꦢꦸꦏꦠꦸꦮꦤ꧀ Couveur ꦲꦶꦁꦏꦁꦤꦸꦗꦸꦥꦽꦭꦺꦴꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦮꦭꦤ꧀ꦢꦶ꧈ꦱꦥꦸꦤꦶꦏꦏꦮꦶꦤꦶꦱꦸꦝꦗꦸꦩꦼꦤꦼꦁꦒꦸꦥꦼꦂꦤꦸꦂꦲꦶꦁꦯꦺꦭꦺꦧꦼꦱ꧀ꦩꦭꦶꦃ꧉ꦠꦶꦭꦱ꧀ꦠꦺꦴꦏꦺꦴ Eigen Hulp ꦦꦿꦺꦝꦼꦤ꧀꧈ꦲꦶꦁꦏꦁꦏꦥꦸꦤ꧀ꦝꦸꦠ꧀ꦤꦒꦫꦶ꧈ꦱꦥꦸꦤꦶꦏꦢꦶꦥꦸꦤ꧀ꦢꦤ꧀ꦢꦺꦴꦱꦶꦢꦼꦤꦶꦁB.O.W. ꦧꦝꦼꦏꦁꦒꦼꦏꦤ꧀ꦠꦺꦴꦂꦥꦺꦴꦱ꧀ꦱꦼꦥꦂꦧꦁ꧉ꦲꦶꦁꦠꦼꦔꦃꦠꦼꦔꦲꦤꦶꦁꦮꦸꦭꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦏꦼꦔꦶꦁꦢꦶꦥꦸꦤ꧀ꦲꦼꦁꦒꦺꦤꦶ꧉ꦠꦸꦮꦶꦤ꧀ꦮꦺꦴꦤ꧀ꦠꦼꦤ꧀ꦱꦥꦼꦫꦔꦤ꧀ꦲꦶꦁꦏꦁꦧꦝꦼꦏꦁꦒꦼꦏꦤ꧀ꦠꦺꦴꦂꦥꦺꦴꦱ꧀ꦥꦶꦠꦸꦭꦸꦔꦤ꧀꧉
꧋ꦲꦶꦁꦦꦸꦂꦮꦏꦼꦂꦠꦠꦸꦮꦶꦤ꧀ꦦꦸꦂꦧꦭꦶꦁꦒꦠꦸꦩꦸꦤ꧀ꦠꦼꦤ꧀ꦧꦝꦼꦢꦶꦥꦸꦤ꧀ꦮꦺꦴꦤ꧀ꦠꦼꦤꦏꦼꦤ꧀ꦢꦶꦭꦃꦲꦺꦭꦺꦏ꧀ꦠꦿꦶꦱ꧀ꦲꦶꦁꦏꦁꦔꦢꦤꦶ Electriciteit Maatschappij "Banjoemas"꧉
꧋ꦱꦮꦼꦤꦺꦲꦶꦁꦠꦶꦪꦁꦝꦸꦱꦸꦤ꧀ꦲꦶꦁꦑꦭꦶꦒꦤ꧀꧈ꦔꦪꦺꦴꦒꦾ꧈ꦤꦭꦶꦏꦤꦸꦗꦸꦱꦮꦼꦒ꧀ꦝꦸꦝꦸꦏ꧀ꦝꦸꦝꦸꦏ꧀ꦩꦁꦒꦶꦃꦮꦪꦁꦲꦶꦁꦏꦁꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦲꦼꦩꦱ꧀꧉ꦮꦮꦿꦠꦶꦥꦸꦤ꧀ꦮꦺꦴꦤ꧀ꦠꦼꦤ꧀ 2 K꧉ꦧꦫꦁꦮꦲꦸꦭꦗꦼꦁꦏꦲꦠꦸꦫꦏꦼꦤ꧀ꦝꦠꦼꦁꦥꦥꦠꦶꦃꦊꦩ꧀꧉
꧋ꦏꦮꦺꦴꦤ꧀ꦠꦼꦤꦤꦶꦥꦸꦤ꧀ꦭꦭꦢꦤ꧀ꦗꦮꦶꦠꦼꦔꦃꦠꦸꦮꦶꦤ꧀ꦗꦮꦶꦮꦠꦤ꧀ꦏꦮꦂꦠꦺꦴꦱꦏꦼꦤ꧀ꦩꦏꦠꦼꦤ꧀꧇ꦮꦶꦮꦶꦠ꧀ꦠꦁꦒꦭ꧀ 1 ꦗꦤꦸꦮꦫꦶ 1928 ꦭꦭꦢꦤ꧀ꦬꦼꦩ꧀ꦧꦁꦧꦝꦼꦢꦶꦥꦸꦤ꧀ꦲꦶꦕꦭꦶ꧉ꦱꦊꦧꦼꦠꦶꦥꦸꦤ꧀ꦔꦼꦤ꧀ꦠꦺꦴꦱꦶꦲꦢꦼꦒꦶꦥꦸꦤ꧀ꦥꦿꦺꦴꦥꦺꦤ꧀ꦱꦶꦗꦮꦶꦠꦼꦔꦃꦠꦸꦮꦶꦤ꧀ꦗꦮꦶꦮꦼꦠꦤ꧀꧈ꦮꦶꦮꦶꦠ꧀ꦠꦁꦒꦭ꧀ 1 ꦙꦤꦸꦮꦫꦶꦮꦲꦸ꧈ꦄꦥ꧀ꦝꦺꦭꦶꦁꦮꦶꦤ꧀ꦏꦧꦸꦥꦠꦺꦤ꧀ꦬꦼꦩ꧀ꦧꦁ꧈ꦭꦤ꧀ꦨ꧀ꦭꦺꦴꦫꦥꦉꦱꦶꦝꦼꦤꦤ꧀ꦬꦼꦩ꧀ꦧꦁ꧈ꦱꦥꦸꦤꦶꦏꦢꦶꦥꦸꦤ꧀ꦱꦩ꧀ꦥꦶꦫꦏꦼꦤ꧀ꦝꦠꦼꦁꦥꦉꦱꦶꦝꦼꦤꦤ꧀ꦯꦼꦩꦫꦁ꧈ꦢꦼꦤꦼꦄꦥ꧀ꦝꦺꦭꦶꦁꦠꦸꦮꦶꦤ꧀ꦏꦧꦸꦥꦠꦺꦤ꧀ꦨꦸꦗꦤꦒꦫꦱꦂꦠꦡꦸꦧꦤ꧀꧈ꦲꦸꦒꦶꦮꦼꦮꦼꦁꦏꦺꦴꦤ꧀ꦥꦉꦱꦶꦝꦼꦤꦤ꧀ꦬꦼꦩ꧀ꦧꦁ꧈ꦏꦱꦩ꧀ꦥꦶꦫꦏꦼꦤ꧀ꦝꦠꦼꦁꦥꦉꦱꦶꦝꦼꦤꦤ꧀ꦯꦸꦫꦧꦪ꧉ꦏꦮꦺꦴꦤ꧀ꦠꦼꦤꦤꦶꦁꦧꦮꦃꦲꦶꦁꦏꦁꦏꦒꦩ꧀ꦧ꧀ꦭꦺꦴꦏꦏꦼꦤ꧀ꦮꦲꦸꦠꦼꦠꦼꦥ꧀ꦧꦺꦴꦠꦼꦤ꧀ꦲꦺꦮꦃ꧉
꧋ꦲꦶꦁꦧꦧ꧀ꦠꦸꦩꦶꦤ꧀ꦢꦏꦶꦁꦲꦢ꧀ꦩꦶꦤꦶꦱ꧀ꦠꦿꦱꦶ꧈ꦲꦶꦁꦱꦢꦺꦫꦺꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦠꦠꦤꦤ꧀ꦲꦺꦁꦒꦭ꧀꧈ꦠꦏ꧀ꦱꦶꦃꦠꦸꦩꦶꦤ꧀ꦢꦏ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦉꦱꦶꦝꦼꦤꦤ꧀ꦬꦼꦩ꧀ꦧꦁ꧉
꧋ꦥꦫꦥꦔꦿꦺꦃꦥꦿꦗꦌꦫꦺꦴꦥꦃꦠꦸꦮꦶꦤ꧀ꦥꦿꦶꦧꦸꦩꦶ꧈ꦩꦏꦠꦼꦤ꧀ꦲꦸꦒꦶꦥꦸꦁꦒꦮꦥꦸꦭꦶꦱꦶꦭꦶꦩꦿꦃꦢꦭꦃ fonds ꦥꦸꦭꦶꦱꦶꦲꦶꦁꦱꦊꦧꦼꦠꦶꦁꦲꦥ꧀ꦝꦺꦭꦶꦁꦠꦸꦮꦶꦤ꧀ꦏꦧꦸꦥꦠꦺꦤ꧀꧇ a. ꦉꦩ꧀ꦧꦁꦠꦸꦮꦶꦤ꧀ꦨ꧀ꦭꦺꦴꦫ b. ꦨꦸꦗꦤꦒꦫꦠꦸꦮꦶꦤ꧀ꦡꦸꦧꦤ꧀꧈ꦮꦶꦮꦶꦠ꧀ꦠꦁꦒꦭ꧀ꦥ 1 ꦗꦤꦸꦮꦫꦶ 1928 ꦏꦲꦶꦁꦱꦼꦂ꧉a ꦝꦠꦼꦁꦉꦱꦶꦝꦼꦤꦤ꧀ꦯꦼꦩꦫꦁ꧉b ꦝꦠꦼꦁꦥꦉꦱꦶꦝꦼꦤꦤ꧀ꦯꦸꦫꦧꦪ꧉
꧋ꦲꦶꦁꦏꦁꦩꦔꦒꦼꦔꦶꦥꦺꦭ꧀ꦥꦸꦭꦶꦱꦶꦭꦭꦢꦤ꧀ꦬꦼꦩ꧀ꦧꦁ꧈ꦥꦩꦁꦒꦺꦤꦶꦥꦸꦤ꧀ꦠꦼꦠꦼꦥ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦢꦸꦤꦸꦔꦤ꧀ꦭꦩꦶ꧈ꦥꦸꦭꦶꦱꦶꦮꦲꦸꦏꦧꦤ꧀ꦠꦺꦴꦏꦏꦼꦤ꧀ꦝꦠꦼꦁꦬꦼꦱꦶꦝꦺꦤ꧀ꦯꦼꦩꦫꦁꦠꦸꦮꦶꦤ꧀ꦯꦸꦫꦧꦪ꧈ꦏꦁꦒꦼꦲꦶꦁꦒꦭꦢꦤꦶꦥꦸꦤ꧀꧉[1]
꧋ꦮꦶꦮꦶꦠ꧀ꦠꦁꦒꦭ꧀ꦗ 1 ꦤꦸꦮꦫꦶ 1928 a.ꦫꦺꦱꦶꦝꦺꦤ꧀ꦬꦼꦩ꧀ꦧꦁꦠꦸꦮꦶꦤ꧀ꦱꦺꦏꦽꦠꦫꦶꦱꦶꦥꦸꦤ꧀꧈ꦏꦏꦺꦤ꧀ꦢꦼꦭꦏꦼꦤ꧀ꦱꦏꦶꦁꦥꦏꦂꦪꦤ꧀ꦥꦿꦗ꧉
b.ꦩꦶꦱꦸꦝꦄꦱꦶꦱ꧀ꦠꦺꦤ꧀ꦉꦱꦶꦝꦺꦤ꧀ꦏꦁꦒꦼꦲꦥ꧀ꦝꦺꦭꦶꦁꦬꦼꦩ꧀ꦧꦁ꧉
c.ꦥꦸꦁꦒꦮꦏꦤ꧀ꦠꦺꦴꦂꦏꦉꦱꦶꦝꦼꦤꦤ꧀ꦬꦼꦩ꧀ꦧꦁꦢꦶꦥꦸꦤ꧀ꦥꦱꦿꦲꦏꦼꦤꦱꦮꦠꦮꦶꦱ꧀ꦩꦁꦱꦝꦠꦼꦁꦄꦱꦶꦱ꧀ꦠꦺꦤ꧀ꦬꦼꦱꦶꦝꦺꦤ꧀ꦬꦼꦩ꧀ꦧꦁ꧉
꧋ꦮꦺꦴꦤ꧀ꦠꦼꦤ꧀ꦠꦶꦒꦁꦏꦩ꧀ꦥꦸꦁꦲꦶꦁꦖꦶꦩꦭꦏ꧈ꦯꦸꦩꦼꦝꦁꦱꦶꦠꦶꦤꦶꦥꦸꦤ꧀ꦭꦺꦴꦁꦱꦺꦴꦂ꧈ꦔꦤ꧀ꦠꦺꦴꦱ꧀ꦔꦸꦮꦠꦺꦴꦱꦏꦼꦤ꧀ꦝꦠꦼꦁꦏꦮꦺꦴꦤ꧀ꦠꦼꦤꦤꦶꦁꦠꦶꦠꦶꦪꦁꦲꦶꦁꦔꦿꦶꦏꦸ꧈ꦠꦶꦠꦶꦪꦁꦲꦶꦁꦝꦸꦱꦸꦤ꧀ꦨꦪꦧꦁ꧈ꦖꦶꦠꦶꦩꦸꦤ꧀(ꦖꦶꦩꦭꦏ)ꦱꦩꦶꦱꦩꦂꦲꦶꦁꦩꦤꦃ꧈ꦭꦗꦼꦁꦱꦩꦶꦏꦼꦱꦃꦱꦏꦶꦁꦔꦿꦶꦏꦸ꧉ꦥꦱꦶꦠꦺꦤꦶꦥꦸꦤ꧀ꦠꦏ꧀ꦱꦶꦃꦠꦤ꧀ꦱꦃꦭꦺꦴꦁꦱꦺꦴꦂ꧉ꦏꦁꦗꦼꦁꦧꦸꦥꦠꦶꦲꦶꦁꦯꦸꦩꦼꦝꦁꦠꦸꦮꦶꦤ꧀ꦠꦸꦮꦤ꧀ꦄꦱꦶꦱ꧀ꦠꦺꦤ꧀ꦉꦱꦶꦝꦺꦤ꧀ꦥꦸꦤꦥꦢꦼꦤꦼ Opperhoutvester ꦱꦩꦶꦥꦥꦿꦶꦏ꧀ꦱꦏꦮꦺꦴꦤ꧀ꦤꦤꦶꦥꦏꦩ꧀ꦥꦸꦔꦤ꧀ꦮꦲꦸ꧉ꦲꦶꦁꦱꦥꦸꦤꦶꦏꦢꦶꦥꦸꦤ꧀ꦱꦝꦶꦪꦤꦶꦥꦥꦤ꧀ꦲꦶꦁꦮꦤꦏꦁꦒꦼꦔꦼꦢꦼꦒꦏꦼꦤ꧀ꦒꦿꦶꦪꦱꦝꦶꦪꦤꦶꦥꦸꦤ꧀ꦠꦶꦠꦶꦪꦁꦲꦶꦁꦏꦁꦱꦩꦶꦏꦱꦁꦱꦫꦤ꧀ꦮꦲꦸ꧈ꦤꦩꦸꦁꦏꦤ꧀ꦠꦸꦤ꧀ꦔꦼꦤ꧀ꦠꦺꦴꦱꦶꦝꦮꦸꦃꦥꦭꦶꦭꦲꦶꦁꦥꦩꦉꦤ꧀ꦠꦃꦲꦁꦒꦺꦤꦶꦁꦒꦺꦤꦶꦁꦩꦫꦶꦔꦏꦼꦤ꧀ꦮꦤꦮꦲꦸ꧉
꧋ꦥꦩ꧀ꦧꦤ꧀ꦠꦸꦏꦗꦮꦺꦤ꧀ꦩꦂꦠꦺꦴꦱꦏꦼꦤ꧀꧇ꦫꦢꦺꦤ꧀ꦩꦱ꧀ꦯꦸꦩꦢꦶꦂꦗ꧈ꦥꦠꦶꦃꦥꦺꦤ꧀ꦱꦶꦪꦸꦤ꧀ꦲꦶꦁꦡꦼꦒꦭ꧀꧈ꦏꦠꦼꦠꦼꦥꦏꦼꦤ꧀ꦢꦢꦺꦴꦱ꧀ꦭꦶꦢ꧀ꦭꦤ꧀ꦢꦿꦠ꧀ꦲꦶꦁꦦꦏꦭꦺꦴꦔꦤ꧀꧉
